DIKON ESAKI TA IMPORTANTE: Predikashon via telefòn ta un manera importante pa ‘prediká e bon notisia kabalmente.’ (Ech 20:24) * E método akí ta yuda nos prediká na hende ora ku sirkunstansia ta pone ku nos no por bishitá nan personalmente.

KON PA HASI ESAKI:

• Prepará. Skohe un tópiko ku ta adekuá. Hasi anotashon di e ideanan prinsipal ku bo ke bisa. Ademas, lo bo por prepará un mensahe kòrtiku ku ta splika motibu di bo yamada pa si akaso bo tin ku laga un mensahe atras. Lo ta bon pa bo sinta na un mesa ku tur loke bo mester, manera bo anotashonnan i bo telefòn òf tablet ku JW Library^® app òf jw.org^® habrí riba dje

• No sea nèrvioso. Papia natural. Smail i hasi gesto komo si fuera e persona ta bo dilanti. Purba di papia vlòt. Si bo traha ku otro publikadó, nan lo por yuda bo durante bo presentashon. Si e persona hasi un pregunta, ripití e pregunta ei na bos haltu ya e otro publikadó ei por yuda bo buska kontesta pa e pregunta ei

• Pone base pa e siguiente bishita. Si e persona mustra interes, bo por laga un pregunta pa bo kontestá na e siguiente yamada. Puntra e persona si bo por manda un publikashon p’e via e-mail, pòst òf si bo por entregá e publikashon ei personalmente. Ademas, bo por puntra e persona si bo por manda un vidio òf artíkulo p’e via mensahe di telefòn òf e-mail. Si bo haña oportunidat, bisa e persona kiko mas e por haña riba nos website