9:1-7

Imaginá bo kon Hesus lo a sintié ora el a tende su Tata den shelu bisa durante e transfigurashon ku e tin su aprobashon. Sin duda, esei a duna Hesus forsa pa soportá tur e sufrimentu ku tabata sper’é. Ademas, e transfigurashon akí tabatin un impakto profundo riba Pedro, Santiago i Huan. E vishon a konvensé nan ku Hesus di bèrdat tabata e Mesías i ku nan a hasi bon di a siguié. Un 32 aña despues, Pedro ainda tabata kòrda kon e suseso ei a fortalesé su fe den “e palabra profétiko” di Dios.—2Pe 1:16-19.

Aunke nos no a mira e vishon profétiko akí personalmente, nos ta mira su kumplimentu. Hesus ya ta gobernando komo un Rei poderoso. Pronto, lo e “kompletá su viktoria” i habri kaminda pa un hustu mundu nobo.—Rev 6:2.

Kon kumplimentu di profesianan bíbliko ta fortalesé bo fe?