Abraham ku Sara ta bon ehèmpel di un pareha kasá ku a stima i respetá otro. (Gén 12:11-13; 1Pe 3:6) Sinembargo, nan matrimonio no tabata perfekto, i nan a haña nan ku vários prueba den bida. Kiko un pareha kasá por siña for di e ehèmpel di Abraham ku Sara?

Komuniká ku otro. Reakshoná na un manera suave ora bo kasá papia malu ku bo debí ku e tabata rabiá òf iritá. (Gén 16:5, 6) Apartá tempu pa pasa ku otro. Bisa bo kasá regularmente ku bo ta stim’é i demostrá esei ku echo. I mas importante ainda, inkluí Yehova den boso matrimonio. Boso por hasi esei ora boso ta studia, hasi orashon i adorá Yehova huntu. (Ekl 4:12) Un matrimonio fuerte ta onra Yehova, e Originadó di matrimonio.

WAK E VIDIO KON PA FORTALESÉ E BANCHI DI MATRIMONIO, I DESPUES KONTESTÁ E SIGUIENTE PREGUNTANAN:

• Den e vidio, kiko a indiká ku Shaan ku Kiara tabata distansiando for di otro?

• Dikon ta importante pa pareha kasá papia onestamente ku otro?

• Kon e ehèmpel di Abraham ku Sara a yuda Shaan ku Kiara?

• Kiko Shaan ku Kiara a hasi pa fortalesé nan matrimonio?

• Dikon un pareha kasá no mester ferwagt un matrimonio perfekto?