Satanas kier pa bo practicá magia. Pa protehá nan mes di daño, hopi hende ta haci sacrificio na antepasado of spiritu. Nan ta haci esaki debí cu nan ta teme e podernan dje mundu di spiritu. Nan ta bisti renchi i armband mágico. Nan ta bebe of hunta nan curpa cu “remedi” cu supuestamente tin poder mágico. Tin algun hende ta sconde artículonan cu nan ta kere tin poder pa protehá nan, den nan cas of den tera. Otronan ta usa “remedi” mágico dor cu nan ta kere cu esaki lo trece éxito den negoshi, examen di scol of namoracion.

Tin Jehova como bo amigu ta e mihó proteccion contra Satanas. Jehova Dios i su angelnan ta hopi mas poderoso cu Satanas i su demoñonan. (Santiago 2:19; Revelacion 12:9) Jehova ta ansioso pa mustra su poder na fabor di su amigunan, esnan cu ta completamente leal na dje.—2 Crónicanan 16:9.

E Palabra di Dios ta bisa: “Bo no mag practicá magia.” Jehova ta condená magia i bruheria pasobra e prácticanan ei por pone bo directamente bou di poder di Satanas e Diabel.—Levítico 19:26.