Satanas ta tenta hende pa haci cos malu. Un persona cu kier ta amigu di Dios mester odia loke Jehova ta odia. (Salmo 97:10) Ata aki algun cos cu Dios su amigunan ta evitá:

Picánan sexual. “Bo no mag cometé adulterio.” (Exodo 20:14) Tene relacion sexual promé cu matrimonio tambe ta malu.—1 Corintionan 6:18.

Buracheria. “Buraché . . . lo [no] heredá e reino di Dios.”—1 Corintionan 6:10.

Matamentu, Aborto. “Bo no mag mata.”—Exodo 20:13.

Ladronicia. “Bo no mag horta.”—Exodo 20:15.

Gañamentu. Jehova ta odia “un lenga falsu.”—Proverbionan 6:17.

 Violencia i Rabia Descontrolá. “Cualkier persona cu ta stima violencia, [Jehova] ta odia sigur.” (Salmo 11:5) “E obranan di carni [ta incluí] . . . atake di rabia.”—Galationan 5:19, 20.

Wega di Placa. “No sigui den compania di cualkier hende . . . cu ta . . . un persona golos.”—1 Corintionan 5:11.

Odio Racial i Etnico. “Sigui stima boso enemigunan i haci oracion pa esnan cu ta persiguí boso.”—Mateo 5:43, 44.

E cosnan cu Dios ta bisa nos ta pa nos mes bon. No ta semper fácil pa evitá di haci malu. Cu Jehova su yudansa i cu yudansa di su Testigonan, bo por evitá di haci loke ta desagradá Dios.—Isaías 48:17; Filipensenan 4:13; Hebreonan 10:24, 25.