1. Nos ke kana ku nos Tata,

man den man den pleno humildat.

Si nos buska su kaminda,

e ta rondoná nos ku bondat!

Su mes Yu nos Dios a manda

pa nos sera amistat.

P’esei nos ta dediká nos

i ta biba den lealtat.

2. Awe, Dios su Enemigu

ta furioso⁀i nos ta ripará

ku su mundu ta⁀oponé nos.

Nan ke spanta nos pa entregá.

Ma nos Dios ta protehá nos.

Serka dje ban refugiá

i sirbié henter nos bida

lealmente sin desviá.

3. Dios ta perkurá yudansa:

Nos por aserk’é den orashon,

nos tin su spiritu santu

i apoyo di kongregashon.

Su Palabra ta instruí nos

kon pa mustra humildat

i pa praktiká hustisia,

imitando su gran bondat.