1. Den man dje Malbado e mundu akí ta;

su “lus” t’e pió skuridat.

Pa nos keda riba e kaminda lusá,

e guia di Dios ta vital.

Konsuelo i speransa nos ta risibí

na tur nos reunionnan kristian.

Estímulo sano nos ta kompartí,

nos zelo pa Dios ta oumentá.

Pa kana pa semper den Dios su amor,

kumpliendo ku su boluntat,

siñansa divino nos ta risibí

pa por keda fiel n’e bèrdat.

 2. Nos Tata stimá ke pa nos ta felis;

pues, bin pa bo ser refreská!

Si nos apliká e Palabra di Dios,

nos pas lo ta grandi bèrdat.

Ansianonan fiel lo yuda bo ku amor

pa semper bo fe oumentá.

I nunka no sinti ku bo ta bo so

den tantu kerido ruman.

Ku bista fihá riba un mundu mihó,

nos nunka lo stòp di reuní,

komiendo kontentu n’e mesa di Dios

ku tur nos rumannan kerí.