Tin Oracion Cu Dios No Ta Scucha?
E contesta cu Bijbel ta duna
Tin algun oracion cu Dios no ta scucha. Laga nos wak dos motibo.
1. E oracion ta bay contra e boluntad di Dios
Dios no ta scucha oracion cu ta bay contra su boluntad, of contra loke su Palabra, Bijbel, ta rekeri di hende. (1 Juan 5:14) Por ehempel, Bijbel ta condena golosidad of cudishi; y un di e cosnan cu ta promove e tendencianan ey ta wega di placa. (1 Corintionan 6:9, 10) Pesey, Dios no ta scucha oracion di hende cu ta pidie pa gana loteria. E no ta manera un spirito cu poder magico cu mesora ta cumpli cu tur loke bo pidie. Y ta bon mes cu no ta asina. Sino lo bo mester tin miedo di loke hende cu mal intencion ta pidi Dios.—Santiago 4:3.
2. E persona cu ta resa ta haci cosnan malo
Dios no ta scucha oracion di hende cu ta determina pa bay contra su leynan. Por ehempel, Dios a bisa hende cu a pretende di sirbie pero cu a rebeldia contra dje: “Maske boso haci hopi oracion, lo mi no scucha. Boso mannan ta yen di sanger.” (Isaias 1:15, Beibel Santu) Pero si nan a arepenti, acerca Dios y pidie pordon, e lo a scucha nan oracion.—Isaias 1:18.
You May Also Like
E TOREN DI VIGILANCIA
Dicon Dios No Ta Scucha Tur Oracion?
Bijbel ta bisa nos ki oracion Dios ta scucha y ki oracion e no ta scucha.
PREGUNTA CU BIJBEL TA CONTESTA
Kico Mi Por Pidi Dios den Oracion?
Haya sa dicon Dios ta interesa hasta den bo preocupacionnan di mas chikito.
E TOREN DI VIGILANCIA
Dios ta Contesta tur Oracion? Nos Mester Ta den un Posicion Specifico ora di Haci Oracion?
Dios ta scucha y contesta nos oracion?
E TOREN DI VIGILANCIA
Kico Bo Por Haci pa Dios Scucha Bo Oracion?
Nos por papia cu Dios na unda cu ta y ki ora cu ta, sea na bos halto of den silencio. Hesus a yuda nos haya sa kico pa bisa.
