Bijbel ta bisa cu Armagedon ta un guera mundial, esta, un guera entre tur gobierno humano y Dios. Bijbel no ta bisa cu Armagedon ta un guera cu ta tuma luga na un luga so.

•   “Palabra inspira pa demoño ... ta bay cerca e reynan di henter e Tera habita pa reuni nan hunto pa e guera cu lo tuma luga riba e gran dia di Dios, e Todopoderoso ... Nan a reuni e reynan hunto na e luga cu na Hebreo yama Armagedon.”—Revelacion 16:14, 16.

 E palabra “Armagedon” ta bin di e palabra Hebreo Har Meguidon, cu ta nifica “Sero di Meguido.” Den antiguedad, Meguido tabata un stad na Israel. Pesey, algun hende ta kere cu Armagedon lo tuma luga na Israel. Sinembargo, ni e region Meguido ni otro luga na Medio Oriente no ta suficientemente grandi pa contene tur “e reynan di henter e Tera habita” y nan ehercitonan.

 E buki di Bijbel Revelacion ta contene hopi cos simbolico. E ta skirbi na un idioma figurativo. (Revelacion 1:1) Armagedon no ta referi na un luga literal. E ta referi na un situacion den cua tur e nacionnan ta cera cabes pa bringa contra Dios.—Revelacion 19:11-16, 19-21.