Cuanto biaha bo no a yega di bisa e palabranan ey ora bo habri un revista nobo? E bunita plachi- y potretnan ey ta ser prepara cuidadosamente y poni den nos revistanan cu un proposito. Nan ta medionan di enseñanza cu ta conmove nos curason y cu ta yuda nos pensa riba e informacion cu e revista ta trata. Nan ta yuda nos bon ora di prepara y participa den e Estudio di Toren di Vigilancia.

Por ehempel, ora bo ta studia un articulo di estudio, tuma un tiki tempo y purba di saca afo pa ki motibo a scoge e prome plachi den e articulo ey. Kico e ta ilustra? Ki relacion e tin cu e tema di e articulo of cu e texto central? Pa loke ta e otro plachinan, wak ki conexion nan tin cu e topico cu ta ser trata y con nan por yuda bo den bo bida.

E ruman cu ta dirigi e Estudio di Toren di Vigilancia mester duna e congregacion oportunidad pa duna comentario riba cada plachi; nan por splica ki relacion e plachi tin cu e les of ki efecto e tabatin riba nan personalmente. Tin biaha, tin un nota bou di e plachi cu ta indica na cua paragraf e plachi ta pertenece. Pero ora cu no ta asina, e ruman cu ta dirigi e les por dicidi na cua paragraf ta mihor pa trata cada plachi. Di e manera aki, tur hende lo beneficia di e plachi- y potretnan cu ta yuda e lector visualisa loke e Palabra di Dios ta siña nos.

Ta manera un ruman homber a bisa: “Despues di lesa un bunita articulo, e plachinan ta manera e cherry riba e bolo.”