LES 04
Ken Dios Ta?
Pa miles di aña caba, hende ta adora hopi dios. Sinembargo, Bijbel ta papia di un Dios cu ta superior na tur otro dios. (2 Cronicanan 2:5) Ken e Dios ey ta? Dicon e ta superior na tur otro dios? Den e les aki, lo bo siña kico e Dios aki kier pa bo haya sa tocante dje.
1. Con Dios su nomber ta, y con nos por tin sigur cu Dios kier pa nos sa su nomber?
Den Bijbel, Dios ta laga nos cera conoci cu ne. Dios ta bisa: “Ami ta Jehova. Esey ta mi nomber.” (Isaias 42:8) E nomber “Jehova” ta un traduccion di su nomber na Hebreo. Segun hopi experto riba tereno di Bijbel, e nomber ey ta nifica “E Ta Causa pa Bira.” Jehova kier pa nos sa su nomber. (Exodo 3:15) Con nos por tin sigur di esey? Wel, el a laga skirbi su nomber mas cu 7.000 biaha den Bijbel. a E nomber Jehova ta pertenece na e unico “Dios berdadero” den henter universo.—Deuteronomio 4:39, NW.
2. Kico Bijbel ta siña nos tocante Jehova?
Bijbel ta bisa cu, di tur e diosnan cu hende ta adora, Jehova ta e unico Dios berdadero. Dicon Bijbel ta referi na Jehova como e unico Dios berdadero? Wel, tin varios motibo. Jehova tin tur autoridad, y pesey ta e so ta “Haltisimo riba henter Tera.” (Salmo 83:18) E ta e Dios “Todopoderoso” pasobra e tin poder pa cumpli cu tur loke e ta desea. Ademas, e ta Creador. Por ehempel, el a crea universo y tur bida riba Tera. (Revelacion 4:8, 11) Anto Jehova ta e unico persona cu semper a existi y semper lo keda existi.—Salmo 90:2.
KICO MAS NOS POR SIÑA?
Laga nos analisa ki diferencia tin entre e titulonan cu Dios tin y su nomber unico. Ademas, wak dicon el a revela su nomber na abo y con el a haci esey.
3. Dios tin varios titulo, pero e tin un nomber so
Pa por compronde e diferencia entre un persona su titulo y su nomber, pasa e VIDEO. Despues, analisa e siguiente pregunta:
-
Kico ta e diferencia entre un titulo manera “Señor” y un nomber?
Bijbel ta bisa cu hende ta adora varios dios y señor. Lesa Salmo 136:1-3. Despues, analisa e siguiente pregunta:
-
Ken ta “e Dios cu ta riba tur dios” y “e Señor cu ta riba tur señor”?
4. Jehova kier pa bo sa su nomber y uz’e
Kico ta mustra cu Jehova kier pa bo sa su nomber? Pasa e VIDEO. Despues, analisa e siguiente pregunta:
-
Dicon bo ta kere cu Jehova kier pa hende haya sa su nomber?
Jehova kier pa hende uza su nomber. Lesa Romanonan 10:13. Despues, analisa e siguiente preguntanan:
-
Dicon ta importante pa hende uza e nomber di Dios, Jehova?
-
Con bo ta sinti bo ora un hende keda corda bo nomber y ta yama bo na bo nomber?
-
Con bo ta kere cu Jehova ta sintie ora bo uza su nomber?
5. Jehova kier pa bo ta su amigo
Un señora di Cambodia cu yama Soten a keda masha contento ora el a haya sa e nomber di Dios. Pasa e VIDEO. Despues, analisa e siguiente pregunta:
-
Ora Soten a haya sa e nomber di Dios, con esey a cambia su bida?
Normalmente, prome cu bo bira amigo di un persona, bo mester haya sa su nomber. Lesa Santiago 4:8a. Despues, analisa e siguiente preguntanan:
-
Segun e texto, kico Jehova ta invita bo pa haci?
-
Bo ta kere cu bo por bira un bon amigo di Dios awor cu bo a haya sa su nomber? Dicon bo ta pensa esey?
LOKE HENDE SA BISA: “Ta un Dios so tin, pesey no ta importa con bo ta yam’e.”
-
Bo ta kere cu Dios su nomber ta Jehova?
-
Con lo bo splica un persona cu Dios kier pa nos uza su nomber?
RESUMEN
Jehova ta nomber di e unico Dios berdadero. Jehova kier pa nos haya sa su nomber y uz’e pa asina nos por bira un bon amigo di dje.
Repaso
-
Den ki manera Jehova ta diferente for di otro dios?
-
Dicon ta importante pa uza Dios su nomber?
-
Kico ta mustra cu Jehova kier pa bo bira su amigo?
MAS INFORMACION INTERESANTE
Analisa cinco motibo convencente cu ta mustra cu Dios ta existi.
Wak dicon nos tin bon motibo pa kere cu Dios semper a existi.
“Ken A Traha Dios?” (E Toren di Vigilancia di 1 di augustus 2014)
Wak dicon nos mester uza e nomber di Dios maske hende awe no sa sigur con tabata pronunci’e originalmente.
Ta importa con nos ta yama Dios? Wak dicon nos por bisa cu Dios tin un nomber personal so.
You May Also Like
PREGUNTA CU HOPI HENDE SA HACI
Con un Curso di Bijbel cu Testigonan di Jehova Ta Bay?
Pa sigui un curso di Bijbel interactivo gratis cu testigonan di Jehova, bo por uza cualkier traduccion di Bijbel cu bo ta prefera. Sinti bo liber pa invita henter bo famia of amigonan pa join bo.
