1. Soberanon Ama min Jehova,

Makanepega’d dayew tan gloria.

Dumerengel ka na pikakasi,

Ipia mi’d sikay inkasikami.

Nalilingo kami’d kada agew;

Panamerdonam lawas min kerew.

Dalay Anak mo ’kami asaliw.

Diad bangat mo sikami mailiw.

2. Maliket iramay inimbitam

Diad pasen na pakaliwawaan.

Ibangat mo kamin nakabat ka.

Diad templom pirawat mi mansiansia.

Makapadinayew so biskeg mo,

Iiter moy pakpel ed lingkor mo.

Panarian mo, O Dios na kisalba,

Ipulong mi tan iyalibansa.

3. Panangimanom so panliketan;

Nidayew ka komo’d sankamundoan.

Diad abig mo, Panariay wadia la,

Naandi beblay, patey, ermen, lua.

Diad si Kristo mauges napagit;

Pinalsay onkelyaw la ed liket.

Diad impanalo, O ikanta pa:

“Idayew, igloria si Jehova!”