MANUNAN ARTIKULO | SIOPA IRAY TASI NEN JEHOVA?
Akin ya Manpupulong Kami?
Mabetbet ya nabibirbir kami na totoo lapud pampupulong mi—diad kaabungan, publikon lugar, tan inermay kulaan na totoo. Akin ya gagawaen mi itan?
Unona, manpupulong iray Tasi nen Jehova pian igloria so Dios tan ipakabat so ngaran tod amin. (Hebreos 13:15) Komadua, uunoren mi met so ganggan nen Kristo Jesus ya: “Onla kayo sirin tan ibangat yo iray totoo ed amin a nasyones . . . ya ibangat yo ran mangunor ed amin a bengatlan ingganggan ko ed sikayo.”
Komatlo, inaro mi iray totoo kanian manpupulong kami. (Mateo 22:39) Amta mi ya maslak et wala lay relihyon da tan aliwan amin et interesado ed mensahe mi. Balet siansia nin saray bangat na Biblia et makapangiliktar na bilay. Kanian ‘agkami ontutundan manbabangat tan mangiyaabawag ed maong a balita nipaakar ed Kristo,’ ya singa ginawa na saray Kristiano nensaman.
Kinomentoan na sociologist ya si Antonio Cova Maduro so “sagpot tan probleman kipapaarapan na Saray Tasi nen Jehova, anggad naknaksawan la ra . . . , pian nipasabi so masanton kasulatan anggad sankaarawian ya pasen ed dalin.”
Maslak ya manbabasad saray publikasyon mi et aliwan Tasi nen Jehova. Minilyon ya iyaaralan mi na Biblia so membro na arum a relihyon. Balet misasalamat ira ya oonla ray Tasi nen Jehova ed sikara.
Ompan wala ni ray tepet mo nipaakar ed Saray Tasi nen Jehova. Komon ta amtaen mo ray ebat diad
-
Pantepet ed sakey ed Saray Tasi nen Jehova.
-
Ibisita ed website min www.jw.org.
-
Iyatendi ed saray libren pantitipon mi ya parad amin.
Ompan Nagustoan Mo Met
MABETBET YA ITETEPET
Kasin Iisipen na Saray Tasi nen Jehova ya Sikara Labat so Nilaban?
Ipapaliwawa na Biblia no siopa ray naikdan na pankanawnawan nilaban.
MABETBET YA ITETEPET
Manpupulong met Iray Bibiin Tasi nen Jehova?
Antoy papel na saray bibii ed panagpulong na Saray Tasi nen Jehova diad interon mundo?
MABETBET YA ITETEPET
Kasin Rerespetoen na Saray Tasi nen Jehova so Arum a Relihyon?
Amtaen no akin a say panrespetod arum a relihyon et pakabidbiran na saray tuan Kristiano.
