Kasin Antam La?
Antoy kimey na sakey a manag-asikaso diad panaon na Biblia?
DIAD panaon na Biblia, say manag-asikaso so angimatalekan ed abung odino kayarian na sakey a too.
Sanen si Jose ya anak na patriarkan si Jacob et naaripen diad Ehipto, sikatoy nagmaliw ya manag-asikaso na abung na katawan to. Diad tua, say katawan ton Ehipsio et “impaasikaso to lad si Jose so amin a kayarian to.” (Gen. 39:2-6) Asabi panaon, sanen nagmaliw lan makapanyarin manuley na Ehipto si Jose, sikatoy anuro met na manag-asikaso na abung to.—Gen. 44:4.
Diad panaon nen Jesus, saray akankayarian na dalin et kaslakan ya manaayam diad saray syudad ya arawi ed saray daralusan da. Kanian manuturo ira na saray manag-asikaso ya mannengneng ed inagew-agew ya pankikimey na saray ondadalus ditan.
Antoy kualipikasyon pian say sakey et naturo bilang manag-asikaso? Unong ed sakey ya Romanon managsulat nen inmunan siglo ya si Columella, say aripen ya turoen bilang manag-asikaso et nepeg ya “akabisado to la so kimey.” Sikato may too ya amta ton usaren so autoridad to pian “naseguro ya gagawaen na saray komikimey so trabaho da, balet aliwan maruksa ed sikara.” Imbaga to met ya say sankaimportantian ya kaukolan ed sakey a manag-asikaso et nepeg ya agto isipen ya amta to la so amin tan nepeg ya labalabay toy makaaral.
Diad Salita na Dios, inusar so kimey na sakey a manag-asikaso pian iyilustra so arum ya aktibidad ya nagagawa diad Kristianon kongregasyon. Singa bilang, pinaseseg nen apostol Pedro iray Kristiano ya usaren da so inter na Dios ya abilidad da “diad panlingkor ed sakey tan sakey bilang maong a manag-asikaso ya akaawat na agnaparaan a kaabigan na Dios.”—1 Ped. 4:10, paimanod leksab.
Inusar nen Jesus so kimey na sakey a manag-asikaso diad ilustrasyon ya nabasa ed Lucas 16:1-8. Ontan met, diad sakey a propesiya nipaakar ed saray tanda na kiwawala to bilang Ari, pinaseguroan to ray papatumbok to ya sikatoy manuro na “matoor tan makabat ya aripen” odino “matoor a manag-asikaso.” Say manunan kimey na sayan manag-asikaso et say tuloytuloy a pangitarya na espiritual a naakan parad saray papatumbok nen Kristo legan na panaon na anggaan. (Mat. 24:45-47; Luc. 12:42) Misalsalamat tayo lapud sakey tayo ed saray makakaawat na saray publikasyon ya ipaparaan na matoor ya manag-asikaso. Saratan et makapabiskeg na pananisia tan nanaawat iratan na agagi ed interon mundo.
Ompan Nagustoan Mo Met
SAY PANAG-BANTAYAN—PANARALAN YA EDISYON
Kasin Antam La?—Pebrero 2022
No mangasawa so sakey ya Israelita nensaman, akin et kaukolan toy mangiter na dasel ed pamilya na nobya to?
SAY PANAG-BANTAYAN—PANARALAN YA EDISYON
Kasin Antam La?—Pebrero 2022
Akin et inyabuloy nen Jehova ya makapanpili iray Israelita no kasin palekpek o malapati so iyapay da?
SAY PANAG-BANTAYAN—PANARALAN YA EDISYON
Kasin Antam La?—Marso 2020
Nilikud ed ibabaga na Biblia, anto ni ray ebidensya ya nagmaliw ya aripen ed Ehipto iray Israelita?
SAY PANAG-BANTAYAN—PANARALAN YA EDISYON
Kasin Antam?—Abril 2019
Panon ya iplaplano na saray totoo nensaman so pambiahe ra ed dayat?
SAY PANAG-BANTAYAN—PANARALAN YA EDISYON
Kasin Antam La?—Oktubre 2018
Si Esteban so sankaunaan ed saray patumbok nen Jesus ya inatey lapud panamasegsegang. Panon ya akapansiansian kalmado si Esteban nen sikatoy papasegsegangen?
