Dakel so litrato ya nanengneng ed saray publikasyon tayo. Inyan iratan ditan pian pakaaralan tayo. Anto sirin so gawaen mo pian nagunggonaan kan maong ed sarayan litrato no manpe-personal study ka?

• Antis mon basaen so sakey ya artikulo, nengneng mo ni iray litrato. Makatulong itan pian mas eksayted kan basaen imay artikulo. Di ba, no nanengneng mon mananam may naakan, mas eksayted kan mangan? Ontan met ed panag-aral. Kanian antis kan manbasa, tepetan moy sarilim, ‘Antoy nanenengneng ko?’—Amos 7:​7, 8.

• No babasaen mo la may artikulo, isip mo no antoy koneksion to may litrato diad tema, tan no akin ya atan so apili dan ikarga. Basam so kapsion o deskripsion na litrato no wala. Tan isip mo met no panon mon niyaplika iray leksion ya naaralan mod samay litrato.

• Kayarim ya binasa may artikulo, nengneng mo lamet iramay litrato pian nanonotan mo iray manunan punto. Likdem kan magano tan imadyin mo may litrato, tan rebyum diad isip mo iray leksion ya naaralan mod satan.

• Anto kasi no nengneng mo lamet iramay litrato ed sayan magasin? Sige pa, salim no nanonotan mo ni iramay punto ya naaralan mod saratan.