ONLIING! No. 3 2018 | Tulong Parad Saray Inateyan
Iner so pakaromogan tayoy tulong no inatey so inad-aro tayo?
Ipaliwawa na sarayan artikulo no anto ray posiblin nagawa tan naliknam no inatey so inad-arom, ontan met iray praktikal ya nagawaan mo pian nasarag moy paneermen mo.
Say Sakit ya Nalikna na Saray Inateyan
Say ipatey na asawa, kapamilya, odino kaaro et kaibad saray sankairapan odino sankasakitan ya naeksperiensya tayo. Imanoen no antoy ibabaga na saray eksperto tan saray inateyan na inad-aro.
No Anto ray Posiblin Nagawa
Anto ray emosyon tan irap ya maslak a nalilikna tan saray posiblin nagawa no inateyan na inad-aro?
No Panon ya Nasarag so Ermen—No Antoy Nagawaan Mo Natan
Dakel so atulongan ya nasarag so ermen da ed impatey na inad-aro da lapud wala ray ginawa dan paraan.
Say Sankaabigan a Tulong Parad Saray Inateyan
Manlalapud Biblia so sankaabigan a tulong parad saray inateyan.
Diad Sayan Isyu: Tulong Parad Saray Inateyan
Sayan isyu na Onliing! et panlapuan na ligliwa tan praktikal a tulong parad saray inateyan.
