Antis na Paskua nen 32 C.E., nanggawa na milagro si Jesus. Aya labat so milagron nisulat ed amin ya apatiran Ebanghelyo.

Panamegley na sayan milagro, inggapo nen Jesus so sakey ya paraan ya uusaren to nin siansia anggad natan.

14:16-21

• Ingganggan nen Jesus iray disipulo to ya pakanen iray totoo, anggano say wala labat ed sikara et limaran tinapay tan duaran sira

• Inala nen Jesus so tinapay tan sira, tan kayari ton nampikasi, inter to iratan ed saray disipulo to, insan imbunog iratan na saray disipulo ed saray totoo

• Makapakelaw ta dakdakel so sulok. Inusar nen Jesus so pigpigara​—saray disipulo to—​ya mamakan ed nilibo

• Impasakbay nen Jesus ya diad kaunoran iran agew et sikatoy manuro na mangitaryay espiritual ya ‘naakan diad dugan panaon.’​—Mat 24:45

• Nen 1919, tinuro nen Jesus so “matoor tan makabat ya aripen,” sakey ya melag a grupo na saray alanaan ya agagin lalaki, a mangasikaso ed “saray lingkor na sankaabungan to” odino saramay papakanen

• Singa nen inmunan siglo ya pinakan nen Jesus so dakel panamegley na pigpigara, natan et papakanen toy dakel panamegley na sayan melag a grupo na saray alanaan ya agagin lalaki

Panon kon nipanengneng ya bibidbiren tan rerespetoen ko so uusaren nen Jesus pian pakanen ed espiritual iray totoo?