Akin et nepeg yon ibaga so nalilikna yo ed saray atateng yo? (Pro 23:26) On, ta inikdan ira nen Jehova na responsabilidad ya asikasoen tan igiya kayo. (Sal 127:3, 4) Nairapan iran tulongan kayo no iyamot yod sikara iray problema tan pampapagaan yo. Sakey ni, agkayo makaaral ed saray eksperiensya da nensaman ya inabang da komon ed sikayo. Mauges kasi no wala ray agyo ibaga ed atateng yo? Andi met, basta agyo ra papalikdoen.—Pro 3:32.

Panon kan mitongtong ed saray atateng mo? Maabig no manpili kay oras ya pareho kayon komportable. No mairap itan parad sika, sarag moy manggaway sulat pian nibagam so naliliknam. Panon to balet no labay da kan katongtongen nipaakar ed samay agmo labay ya pantongtongan? Tandaan mo ya labay da kan tulongan. Isip mo ya kakampim iray atateng mo, aliwan kalaban. No pansasagpotan moy mitongtong ed atateng mo, seguradon nagunggonaan ka ed interon bilay mo—ya anggad bilay ya anggapoy anggaan!—Pro 4:10-12.

BANTAYAN SO VIDEO YA BILAY NA TINEDYER—PANON AK YA MITONGTONG ED ATENG KO? INSAN EBATAN IRAYAN TEPET:

• Antoy naimano nen Esther tan Partik ed sarili ra?

• Antoy naaralan mo ed alimbawa nen Jesus?

• Anto la ray anengneng mon prueba ya inaro ka na atateng mo?

• Anto ran prinsipyo na Biblia so makatulong ed sika pian makapitongtong ka ed saray atateng mo?