Salmo 81:1-16
Parad direktor; diad Gittith.*Salmo nen Asaf.+
81 Eyag kayod liket tan idayew yoy Dios a biskeg tayo.+
Eyag kayod liket tan idayew yoy Dios nen Jacob.
2 Igapo yoy musika tan mangala kayoy tamburin,Say arpa a balibali tanol to tan say nandeles ya instrumento.
3 Paknol yoy tambuyog no balon bulan,+No tulaw, diad agew na piesta tayo.+
4 Lapud sakey itan a ganggan parad Israel,Sakey a totontonen ya inter na Dios nen Jacob.+
5 Inletneg to itan bilang sakey a panonot ed si Jose+
Sanen Sikatoy linma sumpad dalin na Ehipto.+Walay nadngel kon boses* ya agko kabat:
6 “Inekal kod takeb to so ambelat a sasakbaten to;+Nibulos iray lima to ed panag-awit na tiklis.
7 Tinmawag ka sanen nagogonigon ka, tan inliktar ta ka;+Inebatan ta ka manlapud lurem a mamapawalay karol.*+
Sinubok ta ka diad saray danum na Meriba.*+ (Selah)
8 Dengel kayo, O totook, tan mantestigo ak sumpad sikayo.
O Israel, no ondengel ka labat komon ed siak.+
9 Diad limog yo et anggapoy naromog ya agkabat a dios,Tan agkayo ondakmomo ed sananey a dios.+
10 Siak si Jehova a Dios yo,Samay angipaway ed sikayo diad dalin na Ehipto.+
Sangi kayon maong, tan pakanen ta kayo anggad napesel kayo.+
11 Balet agdinmengel ed boses ko so totook;Aglabay na Israel so manpasakop ed siak.+
12 Kanian pinaulyanan ko ran tumboken so benger a puso ra;Ginawa ra so iisipen dan duga.*+
13 No ondengel labat komon ed siak iray totook,+No manakar labat komon so Israel ed saray dalan ko!+
14 Taloen kon tampol iray kabusol da;Kabilen ko ray kalaban da.+
15 Saramay mamubusol ed si Jehova et onggiwgiw ed arapan to,Tan say pansumpalan* da et anggad angga.
16 Balet sikay* pakanen to na sankaabigan a trigo+Tan peselen to ka na dilo manlapud kabatoan.”+
Paimanod leksab
^ Odino “lenguahe.”
^ Literal, “diad niyamot a pasen na karol.”
^ Kabaliksan toy “Pankokolkol.”
^ Literal, “Nanakar ira diad saray simbawa ra.”
^ Literal, “panaon.”
^ Literal, “sikatoy,” salanti, totoo na Dios.
