Salmo 5:1-12
Parad direktor na Nehiloth.* Kansion nen David.
5 O Jehova, dengel mo komon iray ibabagak;+Imanom komon so paneermen ko.
2 Dengel mo komon so ikekerew koy tulong,O Arik tan Dios ko, ta mikakasi ak ed sika.
3 O Jehova, diad kabuasan et narengel moy boses ko;+Diad kabuasan et ibalikas kod sikay kapagaan ko+ tan manalagar ak ed ebat mo.
4 Ta sakey kan Dios ya agmanliliket ed kaugsan;+Anggapoy mauges a makapiayam ed sika.+
5 Anggapoy malastog a makaalagey ed arapan mo.
Kabusol mo so amin a manggagaway mauges;+
6 Deralen mo iramay mansasalitay katilaan.+
O Jehova, kabkabusol mo so totoon maruksa tan managpalikdo.*+
7 Balet onloob ak ed abung mo+ lapud kabaleg na ipapatnag mon matoor a panangaro;+Ondakmomo ak ed masanton templom* lapud tatakotan ta ka.+
8 O Jehova, itonton mo ak pa ed matunong a dalan mo lapud apaliberan ak na saray kalaban ko;Gawam pan marantal so dalan mo parad siak.+
9 Ta anggapoy ibabaga ran napanmatalkan;Anggapoy arum a walad puso ra noag say kaugsan;Say kulokulong da et singa lukas a lubok;Say dila ra et uusaren dad panaglarog.*+
10 Balet kondenaen ira na Dios;Saray mismon plano ra so pakaderalan da.+
Napataynan ira komon lapud karakel na kasalanan da,Ta nanrebelde rad sika.
11 Balet amin iramay manpapasalimbeng ed sika et manliket;+Lawas iran manggayaga.
Protektaan mo ra,Tan saramay mangaaro ed ngaran mo et manliket lapud sika.
12 Ta bendisyonan moy amin a matunong, O Jehova;Say panangabobon mo et manalimbeng ed sikara a singa baleg a panagsamper.+
Paimanod leksab
^ Odino “toon managpatey tan managpalikdo.”
^ Odino “santuaryom.”
^ Odino “Manguusar iray malamuyot a dila.”
