Salmo 3:1-8
Kansion nen David sanen ontatakas ed anak ton si Absalom.+
3 O Jehova, akin kasi et dinmakerakel so kalaban ko?+
Akin et amayamay so manrerebelde ed siak?+
2 Dakel so mangibabaga nipaakar ed siak:*
“Ag-itan iliktar na Dios.”+ (Selah)*
3 Balet sika, O Jehova, so samper a manasalimbeng ed siak diad paliber ko,+Sika so kagalangan ko+ tan say Dios a mangitatangwa na ulok.+
4 Ontawag ak na maksil ed si Jehova,Tan ebatan to ak manlapud masanton palandey to.+ (Selah)
5 Ondukol ak tan onugip ak;Tan ombangon ak a maligen,Ta si Jehova et lanang ya ontutulong ed siak.+
6 Agak antakot ed samplon libolibon totooA nandarasig sumpad siak diad paliber ko.+
7 Alagey ka, O Jehova! Iliktar mo ak,+ O Dios ko!
Ta kabilen moy panga na amin a kalaban ko;Betagen mo ray ngipen na saray mauges.+
8 Sika so manangiliktar, O Jehova.+
Bebendisyonan mo ray totoom. (Selah)
