Job 30:1-31
30 “Natan et eelek-elekan ak+Na saray lalakin mas ugaw nen siak,A say kaamaan da et agko anggan labayA gawaen a kaiba na saray ason manbabantay ed pulok ko.
2 Antoy usar ed siak na pakayari na lima ra?
Anggapo lay biskeg da.
3 Makapkapuy la ra lapud pankaukolan tan eras;Manngangatngat iray amagaan a dalinYa aderal la tan agla panaayaman.
4 Mantitipon ira na asin a tanaman manlapud kakiewan;Say lamot na kiew a retama* so kakanen da.
5 Sikaray papataynanen ed limog na totoo;+Eeyagan da ra a singa gagawaen dad matakew.
6 Manaayam ira ed saray kelas,*Diad saray abot ed dalin tan diad kabatoan.
7 Manlapud kakiewan et onkekelyaw iraTan manmumungkog ira diad kawalaan na masabit iran tanaman.
8 Ananak ira na saray makulangkulang tan bugkalot,Kanian pinataynan* ira diad dalin.
9 Balet natan et babalawen da ak anggan diad saray kansion da;+Nagmaliw a siak so pantotongtongan* da.+
10 Bubusolen da ak tan onaarawi rad siak;+Ag-ira antakot a lutdaan so lupak.+
11 Lapud say Dios et inekalan to ak na armas* tan inyabeba to ak,Agda lan balot popokpokay sarili da* diad arapan ko.
12 Diad nikawanan ko et onaataki ra bilang sakey a grupo;Pababatiken da akTan sasaraan day dalan ko pian naabotan ak na desyang.
13 Dederalen da ray dalan koTan papalooren day paniirap ko,+Ya anggapoy mamapatunda ed sikara.*
14 Onloloob ira a singa ed baleg a bungaw na padir;Onsasabi ra anggan walay kadederal.
15 Natatakot ak a maong;Say kagalangan ko et papaandien a singa dagem,Tan say kililiktar ko et onlalabas a singa lurem.
16 Natan et kalkalnan naaandi so bilay ko;*+Ag-onaalis ed siak iray agew na kairapan.+
17 Diad labi et ontatalos anggad pukel so panotot ko;*+Ag-ontutunday graben sakit a naliliknak.+
18 Lapud maksil a puersa et aderal so kawes ko;*Singa itan kuwelyo na kawes ko a manitikel ed siak.
19 Imbantak ak na Dios ed pitek;Nipaabeba ak a singa dabok tan dapol.
20 Onkekerew ak ed sika na tulong, balet agmo ak eebatan;+Onaalagey ak, balet sankanengneng mo ak labat.
21 Nagmaliw kan maruksa ed siak;+Iyuupot moy biskeg na limam pian kabilen ak.
22 Aalsaen mo ak tan ititikyab mo ak a kaiba na dagem;Insan ibubuntatok mo ak diad bagyo.*
23 Ta amtak ya iyakar mo ak ed ipapatey,Diad abung a pantitiponan na balang mabilay.
24 Balet anggapoy mangabil ed toon pakaskasi*+Legan ya onkekerew na tulong diad panaon a nasasagmak toy desyang.
25 Agko ta inakisan iramay makakaeksperiensyay kairapan?
Agta nanermenan ko iramay pobri?+
26 Maabig so iilaloan ko, balet mauges so sinmabi;Liwawa so tatalaranan ko, balet bilunget so sinmabi.
27 Ag-ondedeen so liknaan ko;Sinmabid siak iray agew na kairapan.
28 Manakar-akar ak a maer-ermen;+ anggapoy liwawa na agew.
Diad limog na totoon nantitipon et onaalagey ak tan onkekerew ak na tulong.
29 Nagmaliw ak ya agi na saray ason jakalTan kaaro na ananak a bibii na ostrits.+
30 Say baog ko et dinmeket tan nampagpag;+Tan saray pukel ko et napopoolan ed petang.*
31 Say arpak et uusaren labat parad panermen,Tan say plautak et parad tanol na pannangis.
Paimanod leksab
^ Melag a kiew ya ontutubod desierto.
^ Odino “saray kulos.”
^ Literal, “siniplatan.”
^ Literal, “proverbio; bungay-sangi.”
^ Literal, “nilukakan toy banteng na panak.”
^ Odino “Inukbar day renda.”
^ Odino posiblin, “Ya anggapoy ontutulong ed sikara.”
^ Odino “kamarerwak.”
^ Literal, “et nabobotbotan iray pukel ko.”
^ Odino posiblin, “Say pinasyan paniirap ko et manederal ed siak.”
^ Odino posiblin, “tinunaw mo ak diad maksil ya ungol.”
^ Literal, “ed bunton na saray geray.”
^ Odino posiblin, “et napepetang.”
