Ed si Hebreo 2:1-18
2 Lapud saya et kaukolan a mas lalo tayon ikdan na imano iray nadngel tayo,+ pian ag-itayon balot niyanor a paarawi.+
2 Ta no say salitan imbaga diad panamegley na saray anghel+ et segurado, tan amin a makasalanan tan agmatulok et akaawat na dusa unong ed hustisya,+
3 panon tayon napaliisan so dusa no imbaliwala tayo so ontan lan kabaleg a panangiliktar?+ Ta saya so imbaga lan unona na Katawan+ tayo tan pinekderan ed sikatayo na saramay akadngel ed sikato,
4 tan tinasian met iya na Dios diad panamegley na saray tanda tan pakelaw tan nanduruman makapanyarin gawa*+ tan diad impangiter to na masanton espiritu unong ed linawa to.+
5 Ta agto impasakop ed saray anghel so mundo* ya onsabi,+ a nipaakar ed saya et mansasalita kami.
6 Balet diad sakey a pasen et walay tasi ya angibagan: “Antoy kablian na too pian sikatoy nodnonoten mo, odino say anak na too pian sikatoy asikasoen mo?+
7 Sikatoy ginawam a mas abeba nen saray anghel; sikatoy kinoronaan mo na gloria tan galang, tan tinurom a manuley ed saray kimey na limam.
8 Impasakop mo so amin a bengatla ed salian to.”+ Ta sanen impasakop na Dios ed sikato so amin a bengatla,+ anggapoy bengatlan agto impasakop.+ Balet natan, agtayo ni nanenengneng a walad sakop to so amin a bengatla.+
9 Balet nanenengneng tayon si Jesus, samay ginawan mas abeba nen saray anghel,+ et akoronaan la na gloria tan galang lapud impanagmak toy ipapatey,+ pian diad agnaparaan a kaabigan na Dios et natawayan toy ipapatey parad kada too.+
10 Ta diad gagala a nigloria so amin ya ananak, say Dios, a parad sikato tan diad panamegley to et niwala so amin a bengatla,+ et manepeg labat a gawaen ton ayadyari ed panamegley na saray irap imay Manunan Manangitonton ed kililiktar da.+
11 Ta samay mamapasanto tan saramay napapasanto+ et saksakey so nanlapuan dan amin,+ tan lapud saya et agto imbaing a tawagen iran agagi,+
12 ya ibabaga to: “Ipaamtak so ngaran mo ed saray agagik; idayew ta ka diad pegley na kongregasyon diad panamegley na kansion.”+
13 Inkuan to ni: “Manmatalek ak ed sikato.”+ Inkuan to lamet: “Siak tan saray anak ya inter nen Jehova* ed siak.”+
14 Kanian, lapud saray “anak” et walaan na dala tan laman, sikatoy nagmaliw met ya ontan,+ pian diad panamegley na ipatey to et napaandi to imay walaay pakayarin mamatey,+ salanti, say Diablo,+
15 tan nibulos toy amin ya aaripenen na takot ed ipapatey diad interon bilay da.+
16 Ta say talagan tutulongan to et aliwan saray anghel, noagta saray ilalak* nen Abraham.+
17 Lapud saya, sikatoy nepeg a magmaliw a singa saray “agagi” to diad amin a pamaakaran,+ pian sikatoy magmaliw a mapangasi tan matoor ya atagey a saserdote diad saray bengatlan nipaakar ed Dios, pian niyapay to so bagat a pipupulangan*+ parad saray kasalanan na totoo.+
18 Lapud asali ton mismo so nanirap sanen nasusubok,+ nayarian ton tulongan iray nasusubok.+
Paimanod leksab
^ Odino “saray milagro.”
^ Odino “panaayaman a dalin.”
^ Nengnengen so Apendise A5.
^ Literal, “bini.”
^ Odino “pian niyapay toy bagat a manakbong; pian manggaway pananakbong.”
