Genesis 10:1-32
10 Saya so salaysay nipaakar ed saray ananak nen Noe a si Sem,+ Ham, tan Jafet.
Nanilalak ira kayari na Delap.+
2 Saray lalakin ananak nen Jafet et si Gomer,+ Magog,+ Madai, Javan, Tubal,+ Mesec,+ tan Tiras.+
3 Saray lalakin ananak nen Gomer et si Askenaz,+ Rifat, tan Togarma.+
4 Saray lalakin ananak nen Javan et si Elisa,+ Tarsis,+ Kitim,+ tan Dodanim.
5 Manlapud sikara, saray manaayam ed saray isla et tinmayak ed saray dalin da, unong ed saray lenguahe tan pamilya ra, tan unong ed saray nasyon da.
6 Saray lalakin ananak nen Ham et si Cus, Mizraim,+ Put,+ tan Canaan.+
7 Saray lalakin ananak nen Cus et si Seba,+ Havila, Sabta, Raama,+ tan Sabteca.
Saray lalakin ananak nen Raama et si Sheba tan Dedan.
8 Si Cus so ama nen Nimrod. Sikato so sankaunaan a nagmaliw a makapanyari diad dalin.
9 Sikatoy nagmaliw a makapanyarin manag-erel na ayep, tan onsusumpad si Jehova. Kanian walay panangibaga: “Singa si Nimrod a makapanyarin manag-erel na ayep, tan onsusumpad si Jehova.”
10 Ginmapo so panarian to diad* Babel,+ Erec,+ Acad, tan Calne, diad dalin na Sinar.+
11 Manlapud satan a dalin, sikatoy linma ed Asirya+ tan impaalagey toy Ninive,+ Rehobot-Ir, Cala,
12 tan Resen, ed baetan na Ninive tan Cala: Saya so baleg a syudad.*
13 Si Mizraim so ama nen Ludim,+ Anamim, Lehabim, Naftuhim,+
14 Patrusim,+ Casluhim (a nanlapuan na saray Filisteo),+ tan Caftorim.+
15 Si Canaan so ama nen Sidon,+ say panguloan ya anak to, tan si Het,+
16 pati saray Jebuseo,+ Amoreo,+ Girgaseo,
17 Heveo,+ Arkeo, Sineo,
18 Arvadeo,+ Zemareo, tan Hamateo.+ Diad saginonor et nitaytayak iray pamilya na saray Canaanita.
19 Kanian say ketegan na saray Canaanita et manlapud Sidon ya anggad Gerar,+ ya asingger ed Gaza,+ ya anggad Sodoma, Gomorra,+ Adma, tan Zeboim,+ ya asingger ed Lasa.
20 Saraya so ananak nen Ham unong ed saray pamilya tan lenguahe ra, unong ed saray dalin tan nasyon da.
21 Awalaan met na saray ilalak si Sem, say inmunan ateng na amin ya ananak nen Eber+ tan agi nen Jafet a sankapanguloanan.*
22 Saray lalakin ananak nen Sem et si Elam,+ Assur,+ Arpacsad,+ Lud, tan Aram.+
23 Saray lalakin ananak nen Aram et si Uz, Hul, Geter, tan Mas.
24 Si Arpacsad so ama nen Selah,+ tan si Selah so ama nen Eber.
25 Duaran laki so anak nen Eber. Say ngaran na sakey et Peleg,*+ lapud naapag so dalin* diad panaon to. Say ngaran na agi to et Joktan.+
26 Si Joktan so ama nen Almodad, Selef, Hazarmavet, Jera,+
27 Hadoram, Uzal, Dikla,
28 Obal, Abimael, Sheba,
29 Ofir,+ Havila, tan Jobab; amin iraya et lalakin ananak nen Joktan.
30 Say pasen a panaayaman da et manlapud Mesa ya anggad Sefar, say mapalandey a rehyon ed Bukig.
31 Saraya so ananak nen Sem unong ed saray pamilya tan lenguahe ra, unong ed saray dalin tan nasyon da.+
32 Saraya so pamilya na ananak nen Noe unong ed saray poli na pamilya ra tan saray nasyon da. Manlapud saraya et nitaytayak iray nasyon diad dalin kayari na Delap.+
Paimanod leksab
^ Odino “Saray unonan syudad na panarian to et.”
^ Odino posiblin, “Saraya so manugyop ed baleg a syudad.”
^ Odino posiblin, “tan kuya nen Jafet.”
^ Kabaliksan toy “Inkaapag-apag.”
^ Odino “populasyon na dalin.”
