Unonan Samuel 7:1-40
7 Saray anak a lalaki nen Isacar et si Tola, Pua, Jasub, tan Simron+—apatira.
2 Tan saray anak a lalaki nen Tola et si Uzi, Refaias, Jeriel, Jamai, Ibsam, tan Semuel, saray lider na saray pamilya na kaamaan da. Saray kailalakan nen Tola et mabibiskeg a sundalo, a say bilang da nen panaon nen David et 22,600.
3 Tan saray kailalakan* nen Uzi et si Izrahias tan saray anak a lalaki nen Izrahias: si Miguel, Obadias, Joel, tan Isias—sikaran lima et papangulo.*
4 Tan diad saray kailalakan da, unong ed saray pamilya na kaamaan da, walay 36,000 sundalo ed armada ra ya akaparaan parad guerra, lapud dakdakel so asawa ra tan ananak dan lalaki.
5 Tan saray agagi ra ed amin a pamilya nen Isacar et mabibiskeg a sundalo, ya unong ed listaan na kapolian da et 87,000 ira.+
6 Saray anak a lalaki nen Benjamin+ et si Bela,+ Beker,+ tan Jediael+—talora.
7 Tan saray anak a lalaki nen Bela et si Ezbon, Uzi, Uziel, Jerimot, tan Iri—limara—saray lider na saray pamilya na kaamaan da, a mabibiskeg a sundalo, tan 22,034 so walad listaan na kapolian da.+
8 Tan saray anak a lalaki nen Beker et si Zemira, Joas, Eliezer, Elioenai, Omri, Jeremot, Abias, Anatot, tan Alemet—sarayan amin so anak a lalaki nen Beker.
9 Diad listaan na kapolian da unong ed kailalakan da, saray lider na saray pamilya na kaamaan da et 20,200 a mabibiskeg a sundalo.
10 Tan saray kailalakan nen Jediael+ et si Bilhan tan saray anak a lalaki nen Bilhan: si Jeus, Benjamin, Ehud, Kenaana, Zetan, Tarsis, tan Ahisahar.
11 Sarayan amin so kailalakan nen Jediael, unong ed listaan na saray ulo na sankaabungan na inmuunan atateng da, a 17,200 a mabibiskeg a sundalo ya akaparaan parad guerra.
12 Say Supim tan say Hupim et kailalakan nen Ir;+ say Husim et kailalakan nen Aher.
13 Saray lalakin ananak nen Neftali+ et si Jaziel, Guni, Jezer, tan Salum—saray kailalakan* nen Bilha.+
14 Saray lalakin ananak nen Manases:+ si Asriel ya inyanak na biin Siryano ya onkokomaduan asawa to. (Inyanak na saya si Makir+ ya ama nen Gilead.
15 Si Makir et inyanapan toy asawa si Hupim tan Supim, tan say ngaran na agi ton bii et Maaca.) Say ngaran na komadua et si Zelofehad,+ balet bibii so ananak nen Zelofehad.+
16 Si Maaca, ya asawa nen Makir, et angiyanak na sakey a laki a nginaranan toy Peres; tan say ngaran na agi nen Peres et Seres; tan saray anak ton lalaki et si Ulam tan Rekem.
17 Tan say anak a laki nen Ulam et si Bedan. Saraya so kailalakan* nen Gilead ya anak nen Makir ya anak nen Manases.
18 Tan say agi ton bii et si Hamolekit. Inyanak toy Ishod, Abi-ezer, tan Mahla.
19 Tan saray lalakin ananak nen Semida et si Ahian, Siquem, Likhi, tan Aniam.
20 Saray kailalakan nen Efraim+ et si Sutela,+ si Bered ya anak to, si Tahat ya anak to, si Eleada ya anak to, si Tahat ya anak to,
21 si Zabad ya anak to, si Sutela ya anak to, tan si Ezer tan Elead. Sarayan dua et pinatey na saray lalakin niyanak ed Gat+ lapud inaala da ray ayayep da.
22 Si Efraim ya ama ra et pigay agew a nanermen, tan oonlad sikato iray agagi to pian ligliwaen da.
23 Kayari na satan et inakdolan toy asawa to, et nanlukon iya tan angiyanak na sakey a laki. Balet nginaranan to iya na Berias* lapud walay kairapan sanen walad abung to so asawa to.
24 Tan say anak ton bii et si Seera, ya angipaalagey ed Abeba+ tan Atagey a Bet-horon+ tan say Uzen-seera.
25 Tan kaiba met ed kailalakan nen Efraim si Refa ya anak to, si Resef, si Tela ya anak to, si Tahan ya anak to,
26 si Ladan ya anak to, si Amihud ya anak to, si Elisama ya anak to,
27 si Nun ya anak to, tan si Josue*+ ya anak to.
28 Saray dalin da tan saray pasen a panaayaman da et say Bethel+ tan saray angkekelag* a baley na satan, tan diad bukig et say Naaran, tan diad sagur et say Gezer tan saray angkekelag a baley na satan, tan say Siquem tan saray angkekelag a baley na satan ya anggad Aya* tan saray angkekelag a baley na satan;
29 tan diad abay na dalin na saray kailalakan nen Manases et say Bet-sean+ tan saray angkekelag a baley na satan, say Taanac+ tan saray angkekelag a baley na satan, say Megido+ tan saray angkekelag a baley na satan, tan say Dor+ tan saray angkekelag a baley na satan. Sarayan pasen so nanayaman na saray kailalakan nen Jose ya anak nen Israel.
30 Saray lalakin ananak nen Aser et si Imnah, Isva, Isvi, tan Berias,+ tan si Sera+ so agi ran bii.
31 Saray lalakin ananak nen Berias et si Heber tan si Malkiel ya ama nen Birzait.
32 Si Heber so ama nen Jaflet, Somer, Hotam, tan si Shua ya agi ran bii.
33 Saray lalakin ananak nen Jaflet et si Pasac, Bimhal, tan Asvat. Saraya so ananak nen Jaflet.
34 Saray lalakin ananak nen Semer* et si Ahi, Roga, Jehuba, tan Aram.
35 Saray lalakin ananak nen Helem* ya agi to et si Zofa, Imna, Seles, tan Amal.
36 Saray lalakin ananak nen Zofa et si Sua, Harnefer, Sual, Beri, Imra,
37 Bezer, Hod, Samma, Silsa, Itran, tan Beera.
38 Saray lalakin ananak nen Jeter et si Jefune, Pispa, tan Ara.
39 Saray lalakin ananak nen Ula et si Arah, Haniel, tan Rizia.
40 Sarayan amin so kailalakan nen Aser, saray lider na saray pamilya na kaamaan da, saray pinili, mabibiskeg a sundalo, a manunaan ed saray papangulo; tan say bilang da unong ed listaan na kapolian da+ et 26,000 sundalo+ ya akaparaan parad guerra.
Paimanod leksab
^ Literal, “saray ulo.”
^ Literal, “ananak a lalaki.”
^ Literal, “ananak a lalaki.”
^ Literal, “ananak a lalaki.”
^ Kabaliksan toy “Walay Kairapan.”
^ Odino “Jehosue,” a kabaliksan toy “Si Jehova so Kilalaban.”
^ Odino “walad kaliberliber.”
^ Odino posiblin, “Gaza,” balet aliwan samay Gaza ed Filistia.
^ Tinawag met a Somer ed bersikulo 32.
^ Nayarin saya lanlamang may “Hotam” ed bersikulo 32.
