ਗੀਤ 113
ਸ਼ਾਂਤੀ ਦਾ ਵਰਦਾਨ
-
1. ਹੇ ਯਹੋਵਾਹ ਅੱਤ ਮਹਾਨ, ਸਾਡਾ ਹਾਕਮ ਤੂੰ
ਜੰਗ ਮਿਟਾਵੇਂ ਅਰ ਜ਼ੁਲਮ, ਸ਼ਾਂਤੀਦਾਤਾ ਤੂੰ
ਬੇਟਾ ਤੇਰਾ ਰਾਜਕੁਮਾਰ; ਕੋਮਲ, ਦਇਆਵਾਨ
ਅਮਨ-ਚੈਨ ਹਰ ਥਾਂ ਫੈਲਾਏ, ਖਿੜ ਜਾਵੇ ਜਹਾਨ
-
2. ਯਿਸੂ ਤੋਂ ਸਿੱਖੀ ਜ਼ਬਾਨ ਪਿਆਰ-ਮੁਹੱਬਤ ਦੀ
ਹੈ ਸਾਡਾ ਨਰਮ ਸੁਭਾਅ, ਬੋਲੀ ਹੈ ਮਿੱਠੀ
ਗਿਲੇ-ਸ਼ਿਕਵੇ ਮਾਫ਼ ਕਰਦੇ, ਦੇਖਦੇ ਨਾ ਖ਼ਾਮੀ
ਬੱਝੀ ਹੈ ਡੋਰ ਏਕਤਾ ਦੀ, ਰਹੇਗੀ ਸ਼ਾਂਤੀ
-
3. ਸੁਣ ਯਹੋਵਾਹ ਇਹ ਦੁਆ, ਸਾਨੂੰ ਤੂੰ ਸਿਖਾ
ਅਮਨ-ਸ਼ਾਂਤੀ ਦੀ ਡਗਰ ਰੋਜ਼ ਸਾਨੂੰ ਦਿਖਾ
ਕਰਨ ਲੋਕ ਸੱਦਾ ਮਨਜ਼ੂਰ, ਚੱਲਣ ਤੇਰੇ ਰਾਹ
ਇਸ ਜ਼ਮੀਨ ʼਤੇ ਫੈਲੇਗੀ ਅਮਨ ਦੀ ਫਿਜ਼ਾ
(ਜ਼ਬੂ. 46:9; ਯਸਾ. 2:4; ਯਾਕੂ. 3:17, 18 ਦੇਖੋ।)
