ਗੀਤ 21 (164)

ਬੱਚੇ, ਪਰਮੇਸ਼ੁਰ ਵੱਲੋਂ ਅਨਮੋਲ ਹੀਰੇ

(ਜ਼ਬੂਰਾਂ ਦੀ ਪੋਥੀ 127:3, 4)

1 ਤੇਰੇ ਬਾਲਕ ਹਨ ਰਤਨ ਅਨਮੋਲ

ਰੱਬ ਵੱਲੋਂ ਇਕ ਵਿਰਾਸਤ ਇਹ ਹਨ

ਸੋਨੇ ਚਾਂਦੀ ਤੋਂ ਵੀ ਕੀਮਤੀ ਇਹ

ਅਰ ਤੇਰੀ ਹੀ ਅਮਾਨਤ ਇਹ ਹਨ

ਇਹ ਸ਼ਿੰਗਾਰਨਗੇ

ਤੇਰੇ ਹੀ ਸੁਪਨੇ

ਤੇਰੀ ਝੋਲੀ ਵਿਚ ਪਾ ਦਿੱਤੇ ਨੇ

ਇਹ ਯਹੋਵਾਹ ਨੇ ਅਨਮੋਲ ਹੀਰੇ

2 ਤੇਰੇ ਹੀਰੇ ਭਾਵੇਂ ਹੋਣ ਕੱਚੇ

ਸ਼ਕਲ ਦੇਵੋ ਇਨ੍ਹਾਂ ਨੂੰ ਰੱਬ ਦੀ

ਇਨ੍ਹਾਂ ਨੂੰ ਤਰਾਸ਼ ਕੇ ਪਿਆਰ ਦੇ ਨਾਲ

ਚਮਕਾਓ ਜ਼ਿੰਦਗੀ ਇਨ੍ਹਾਂ ਦੀ

ਫਿਰ ਇਹ ਲਿਸ਼ਕਣਗੇ

ਸਿਤਾਰੇ ਜਿਵੇਂ

ਤੇਰੀ ਝੋਲੀ ਵਿਚ ਪਾ ਦਿੱਤੇ ਨੇ

ਇਹ ਯਹੋਵਾਹ ਨੇ ਅਨਮੋਲ ਹੀਰੇ

3 ਰੱਬ ਦਾ ਘਰ ਤਿਜੋਰੀ ਹੈ ਜਿਸ ਵਿਚ

ਇਨ੍ਹਾਂ ਨੂੰ ਰੱਖ ਸਦਾ ਸੰਭਾਲ ਕੇ

ਦੁਨੀਆਂ ਦਾ ਵੱਡਾ ਚੋਰ ਸ਼ਤਾਨ

ਚੁਰਾ ਲਵੇਗਾ ਵਰਨਾ ਹੀਰੇ

ਇਨ੍ਹਾਂ ਨੂੰ ਰੱਖੋ

ਪਰੇ ਦੁਸ਼ਮਣ ਤੋਂ

ਤੇਰੀ ਝੋਲੀ ਵਿਚ ਪਾ ਦਿੱਤੇ ਨੇ

ਇਹ ਯਹੋਵਾਹ ਨੇ ਅਨਮੋਲ ਹੀਰੇ

4 ਸਦਾ ਲਈ ਯਹੋਵਾਹ ਇਨ੍ਹਾਂ ਨੂੰ

ਆਪਣੇ ਦਿਲ ਵਿਚ ਸੰਭਾਲ ਰੱਖੇਗਾ

ਜਦ ਇਹ ਲਿਸ਼ਕਣਗੇ ਤੇ ਚਮਕਣਗੇ

ਤਾਂ ਵਧਾਉਣਗੇ ਇਹ ਉਸ ਦੀ ਹੀ ਸ਼ਾਨ

ਫਿਰ ਸਭ ਹੀ ਪਾਉਣਗੇ

ਜੀਵਨ ਸਦਾ ਲਈ

ਤੇਰੀ ਝੋਲੀ ਵਿਚ ਪਾ ਦਿੱਤੇ ਨੇ

ਇਹ ਯਹੋਵਾਹ ਨੇ ਅਨਮੋਲ ਹੀਰੇ