ਜ਼ਬੂਰ 52:1-9
ਨਿਰਦੇਸ਼ਕ ਲਈ ਹਿਦਾਇਤ। ਦਾਊਦ ਦਾ ਮਸਕੀਲ* ਜਦ ਅਦੋਮੀ ਦੋਏਗ ਨੇ ਆ ਕੇ ਸ਼ਾਊਲ ਨੂੰ ਦੱਸਿਆ ਕਿ ਦਾਊਦ ਅਹੀਮਲਕ ਦੇ ਘਰ ਆਇਆ ਸੀ।+
52 ਓਏ ਦੁਸ਼ਟਾ, ਤੂੰ ਆਪਣੇ ਬੁਰੇ ਕੰਮਾਂ ʼਤੇ ਸ਼ੇਖ਼ੀਆਂ ਕਿਉਂ ਮਾਰਦਾ ਹੈਂ?+
ਪਰਮੇਸ਼ੁਰ ਦਾ ਅਟੱਲ ਪਿਆਰ ਹਮੇਸ਼ਾ ਕਾਇਮ ਰਹਿੰਦਾ ਹੈ।+
2 ਤੇਰੀ ਜ਼ਬਾਨ ਉਸਤਰੇ ਵਾਂਗ ਤਿੱਖੀ ਹੈ,+ਇਹ ਚਾਲਾਂ ਚੱਲਦੀ ਅਤੇ ਧੋਖੇ ਭਰੀਆਂ ਗੱਲਾਂ ਕਰਦੀ ਹੈ।+
3 ਤੈਨੂੰ ਚੰਗੇ ਕੰਮਾਂ ਨਾਲੋਂ ਬੁਰੇ ਕੰਮ ਜ਼ਿਆਦਾ ਪਸੰਦ ਹਨ,ਤੈਨੂੰ ਸੱਚ ਬੋਲਣ ਨਾਲੋਂ ਝੂਠ ਬੋਲਣਾ ਜ਼ਿਆਦਾ ਚੰਗਾ ਲੱਗਦਾ ਹੈ। (ਸਲਹ)
4 ਤੇਰੀ ਜ਼ਬਾਨ ʼਤੇ ਕਿੰਨਾ ਫ਼ਰੇਬ ਹੈ!
ਤੈਨੂੰ ਨੁਕਸਾਨ ਪਹੁੰਚਾਉਣ ਵਾਲੀਆਂ ਗੱਲਾਂ ਕਰਨ ਵਿਚ ਕਿੰਨਾ ਮਜ਼ਾ ਆਉਂਦਾ ਹੈ!
5 ਇਸੇ ਕਰਕੇ ਪਰਮੇਸ਼ੁਰ ਤੈਨੂੰ ਹਮੇਸ਼ਾ ਲਈ ਖ਼ਤਮ ਕਰ ਦੇਵੇਗਾ;+ਉਹ ਤੈਨੂੰ ਘਸੀਟ ਕੇ ਤੇਰੇ ਤੰਬੂ ਵਿੱਚੋਂ ਬਾਹਰ ਕੱਢ ਦੇਵੇਗਾ;+ਉਹ ਤੈਨੂੰ ਜੀਉਂਦਿਆਂ ਦੇ ਦੇਸ਼ ਵਿੱਚੋਂ ਮਿਟਾ ਦੇਵੇਗਾ।+ (ਸਲਹ)
6 ਇਹ ਦੇਖ ਕੇ ਧਰਮੀਆਂ ਦੇ ਦਿਲ ਸ਼ਰਧਾ ਨਾਲ ਭਰ ਜਾਣਗੇ+ਅਤੇ ਉਹ ਦੁਸ਼ਟ ʼਤੇ ਹੱਸਣਗੇ+ ਅਤੇ ਕਹਿਣਗੇ:
7 “ਦੇਖੋ! ਇਸ ਆਦਮੀ ਨੇ ਪਰਮੇਸ਼ੁਰ ਨੂੰ ਆਪਣੀ ਪਨਾਹ* ਨਹੀਂ ਬਣਾਇਆ,+ਸਗੋਂ ਆਪਣੀ ਧਨ-ਦੌਲਤ ʼਤੇ ਭਰੋਸਾ ਰੱਖਿਆ+ਅਤੇ ਆਪਣੀਆਂ ਸਾਜ਼ਸ਼ਾਂ ਦਾ ਸਹਾਰਾ ਲਿਆ।”
8 ਪਰ ਮੈਂ ਪਰਮੇਸ਼ੁਰ ਦੇ ਘਰ ਵਿਚ ਇਕ ਹਰੇ-ਭਰੇ ਜ਼ੈਤੂਨ ਦੇ ਦਰਖ਼ਤ ਵਰਗਾ ਹੋਵਾਂਗਾ;ਮੈਨੂੰ ਪਰਮੇਸ਼ੁਰ ਦੇ ਅਟੱਲ ਪਿਆਰ ʼਤੇ ਭਰੋਸਾ ਹੈ+ ਅਤੇ ਹਮੇਸ਼ਾ ਲਈ ਰਹੇਗਾ।
9 ਹੇ ਪਰਮੇਸ਼ੁਰ, ਮੈਂ ਸਦਾ ਤੇਰੀ ਵਡਿਆਈ ਕਰਾਂਗਾ ਕਿਉਂਕਿ ਤੂੰ ਕਦਮ ਚੁੱਕਿਆ ਹੈ;+ਤੇਰੇ ਵਫ਼ਾਦਾਰ ਸੇਵਕਾਂ ਦੀ ਮੌਜੂਦਗੀ ਵਿਚ,ਮੈਂ ਤੇਰੇ ਨਾਂ ʼਤੇ ਉਮੀਦ ਲਾਵਾਂਗਾ+ ਕਿਉਂਕਿ ਤੂੰ ਜੋ ਕੀਤਾ ਚੰਗਾ ਕੀਤਾ।
