ਜ਼ਬੂਰ 132:1-18
ਚੜ੍ਹਾਈ ਚੜ੍ਹਨ ਵੇਲੇ ਦਾ ਗੀਤ।
132 ਹੇ ਯਹੋਵਾਹ, ਦਾਊਦ ਅਤੇ ਉਸ ਦੇ ਸਾਰੇ ਦੁੱਖਾਂ ਨੂੰ ਯਾਦ ਕਰ;+
2 ਯਹੋਵਾਹ, ਯਾਦ ਕਰ ਕਿ ਉਸ ਨੇ ਤੇਰੇ ਨਾਲ ਸਹੁੰ ਖਾਧੀ ਸੀ,ਦਾਊਦ ਨੇ ਤੇਰੇ ਸਾਮ੍ਹਣੇ, ਹਾਂ, ਯਾਕੂਬ ਦੇ ਸ਼ਕਤੀਸ਼ਾਲੀ ਪਰਮੇਸ਼ੁਰ ਸਾਮ੍ਹਣੇ ਸੁੱਖਣਾ ਸੁੱਖੀ ਸੀ:+
3 “ਮੈਂ ਤਦ ਤਕ ਆਪਣੇ ਘਰ ਨਹੀਂ ਜਾਵਾਂਗਾ,+ਨਾ ਹੀ ਆਪਣੇ ਪਲੰਘ ’ਤੇ ਲੰਮਾ ਪਵਾਂਗਾ;
4 ਨਾ ਹੀ ਆਪਣੀਆਂ ਅੱਖਾਂ ਵਿਚ ਨੀਂਦ ਆਉਣ ਦਿਆਂਗਾਅਤੇ ਨਾ ਹੀ ਆਪਣੀਆਂ ਪਲਕਾਂ ਬੰਦ ਹੋਣ ਦਿਆਂਗਾ
5 ਜਦ ਤਕ ਮੈਂ ਯਹੋਵਾਹ ਦੇ ਰਹਿਣ ਲਈ ਥਾਂ ਨਹੀਂ ਲੱਭ ਲੈਂਦਾਅਤੇ ਯਾਕੂਬ ਦੇ ਸ਼ਕਤੀਸ਼ਾਲੀ ਪਰਮੇਸ਼ੁਰ ਲਈ ਇਕ ਸੋਹਣਾ ਘਰ।”*+
6 ਦੇਖੋ! ਅਸੀਂ ਇਸ* ਬਾਰੇ ਅਫਰਾਥਾਹ+ ਵਿਚ ਸੁਣਿਆ ਸੀਅਤੇ ਇਹ ਸਾਨੂੰ ਜੰਗਲੀ ਇਲਾਕੇ ਵਿੱਚੋਂ ਲੱਭਾ ਸੀ।+
7 ਆਓ ਆਪਾਂ ਉਸ ਦੇ ਘਰ* ਦੇ ਅੰਦਰ ਜਾਈਏ+ਅਤੇ ਉਸ ਦੇ ਪੈਰ ਰੱਖਣ ਦੀ ਚੌਂਕੀ ਸਾਮ੍ਹਣੇ ਮੱਥਾ ਟੇਕੀਏ।+
8 ਹੇ ਯਹੋਵਾਹ, ਉੱਠ ਅਤੇ ਆਪਣੇ ਘਰ ਆ,+ਤੂੰ ਆਪਣੇ ਸੰਦੂਕ ਨਾਲ ਇੱਥੇ ਆ ਜੋ ਤੇਰੀ ਤਾਕਤ ਦੀ ਨਿਸ਼ਾਨੀ ਹੈ।+
9 ਤੇਰੇ ਪੁਜਾਰੀ ਧਾਰਮਿਕਤਾ ਦਾ ਪਹਿਰਾਵਾ ਪਾਉਣਅਤੇ ਤੇਰੇ ਵਫ਼ਾਦਾਰ ਸੇਵਕ ਖ਼ੁਸ਼ੀ ਨਾਲ ਜੈ-ਜੈ ਕਾਰ ਕਰਨ।
10 ਆਪਣੇ ਸੇਵਕ ਦਾਊਦ ਦੀ ਖ਼ਾਤਰ ਆਪਣੇ ਚੁਣੇ ਹੋਏ ਨੂੰ ਨਾ ਤਿਆਗ।*+
11 ਯਹੋਵਾਹ ਨੇ ਦਾਊਦ ਨਾਲ ਸਹੁੰ ਖਾਧੀ ਹੈ;ਉਹ ਆਪਣੇ ਵਾਅਦੇ ਤੋਂ ਕਦੀ ਨਹੀਂ ਮੁੱਕਰੇਗਾ:
“ਮੈਂ ਤੇਰੀ ਸੰਤਾਨ* ਵਿੱਚੋਂ ਇਕ ਜਣੇ ਨੂੰ ਤੇਰੇ ਸਿੰਘਾਸਣ ਉੱਤੇ ਬਿਠਾਵਾਂਗਾ।+
12 ਜੇ ਤੇਰੇ ਪੁੱਤਰ ਮੇਰਾ ਇਕਰਾਰ ਮੰਨਣਗੇਅਤੇ ਮੇਰੀਆਂ ਨਸੀਹਤਾਂ* ਮੁਤਾਬਕ ਚੱਲਣਗੇ ਜੋ ਮੈਂ ਉਨ੍ਹਾਂ ਨੂੰ ਦਿੰਦਾ ਹਾਂ,+ਤਾਂ ਉਨ੍ਹਾਂ ਦੇ ਪੁੱਤਰ ਵੀ ਤੇਰੇ ਸਿੰਘਾਸਣ ਉੱਤੇ ਹਮੇਸ਼ਾ ਲਈ ਬੈਠਣਗੇ।”+
13 ਯਹੋਵਾਹ ਨੇ ਸੀਓਨ ਨੂੰ ਚੁਣਿਆ ਹੈ;+ਉਹ ਇਸ ਨੂੰ ਆਪਣਾ ਨਿਵਾਸ-ਸਥਾਨ ਬਣਾਉਣਾ ਚਾਹੁੰਦਾ ਹੈ:+
14 “ਇਹ ਹਮੇਸ਼ਾ ਲਈ ਮੇਰਾ ਘਰ ਰਹੇਗਾ;ਮੈਂ ਇੱਥੇ ਵੱਸਾਂਗਾ+ ਕਿਉਂਕਿ ਮੇਰੀ ਇਹੀ ਇੱਛਾ ਹੈ।
15 ਮੇਰੀ ਬਰਕਤ ਨਾਲ ਇਸ ਸ਼ਹਿਰ ਵਿਚ ਭਰਪੂਰ ਭੋਜਨ ਹੋਵੇਗਾਅਤੇ ਮੈਂ ਗ਼ਰੀਬਾਂ ਦੇ ਢਿੱਡ ਭਰਾਂਗਾ।+
16 ਮੈਂ ਇਸ ਦੇ ਪੁਜਾਰੀਆਂ ਦੇ ਮੁਕਤੀ ਦਾ ਲਿਬਾਸ ਪਾਵਾਂਗਾ+ਅਤੇ ਇਸ ਦੇ ਵਫ਼ਾਦਾਰ ਸੇਵਕ ਖ਼ੁਸ਼ੀ ਨਾਲ ਜੈ-ਜੈ ਕਾਰ ਕਰਨਗੇ।+
17 ਇੱਥੇ ਮੈਂ ਦਾਊਦ ਦੀ ਤਾਕਤ* ਵਧਾਵਾਂਗਾ।
ਮੈਂ ਆਪਣੇ ਚੁਣੇ ਹੋਏ ਲਈ ਇਕ ਦੀਵਾ ਤਿਆਰ ਕੀਤਾ ਹੈ।+
18 ਮੈਂ ਉਸ ਦੇ ਦੁਸ਼ਮਣਾਂ ਦੇ ਸ਼ਰਮਿੰਦਗੀ ਦੀ ਪੁਸ਼ਾਕ ਪਾਵਾਂਗਾ,ਪਰ ਉਸ ਦੇ ਸਿਰ ’ਤੇ ਤਾਜ ਚਮਕੇਗਾ।”+
ਫੁਟਨੋਟ
^ ਜਾਂ, “ਸ਼ਾਨਦਾਰ ਡੇਰਾ।”
^ ਇਹ ਸ਼ਾਇਦ ਇਕਰਾਰ ਦਾ ਸੰਦੂਕ ਸੀ।
^ ਜਾਂ, “ਸ਼ਾਨਦਾਰ ਡੇਰੇ।”
^ ਇਬ, “ਤੋਂ ਮੂੰਹ ਨਾ ਮੋੜ।”
^ ਇਬ, “ਤੇਰੀ ਕੁੱਖ ਦੇ ਫਲ।”
^ ਇਬ, “ਦਾ ਸਿੰਗ।”
