ਜ਼ਬੂਰ 115:1-18
115 ਹੇ ਯਹੋਵਾਹ, ਆਪਣੇ ਅਟੱਲ ਪਿਆਰ ਅਤੇ ਵਫ਼ਾਦਾਰੀ ਕਰਕੇ+ਸਾਨੂੰ ਨਹੀਂ, ਹਾਂ, ਸਾਨੂੰ ਨਹੀਂ,* ਸਗੋਂ ਆਪਣੇ ਨਾਂ ਨੂੰ ਮਹਿਮਾ ਦੇ।+
2 ਕੌਮਾਂ ਕਿਉਂ ਕਹਿਣ:
“ਕਿੱਥੇ ਹੈ ਉਨ੍ਹਾਂ ਦਾ ਪਰਮੇਸ਼ੁਰ?”+
3 ਸਾਡਾ ਪਰਮੇਸ਼ੁਰ ਸਵਰਗ ਵਿਚ ਹੈ;ਉਹ ਜੋ ਚਾਹੁੰਦਾ, ਉਹੀ ਕਰਦਾ।
4 ਉਨ੍ਹਾਂ ਦੇ ਬੁੱਤ ਬੱਸ ਸੋਨਾ-ਚਾਂਦੀ ਹੀ ਹਨਜੋ ਇਨਸਾਨ ਦੇ ਹੱਥਾਂ ਦੀ ਕਾਰੀਗਰੀ ਹੈ।+
5 ਉਨ੍ਹਾਂ ਦੇ ਮੂੰਹ ਤਾਂ ਹਨ, ਪਰ ਉਹ ਬੋਲ ਨਹੀਂ ਸਕਦੇ;+ਅੱਖਾਂ ਤਾਂ ਹਨ, ਪਰ ਉਹ ਦੇਖ ਨਹੀਂ ਸਕਦੇ;
6 ਉਨ੍ਹਾਂ ਦੇ ਕੰਨ ਤਾਂ ਹਨ, ਪਰ ਉਹ ਸੁਣ ਨਹੀਂ ਸਕਦੇ;ਨੱਕ ਤਾਂ ਹਨ, ਪਰ ਉਹ ਸੁੰਘ ਨਹੀਂ ਸਕਦੇ;
7 ਉਨ੍ਹਾਂ ਦੇ ਹੱਥ ਤਾਂ ਹਨ, ਪਰ ਉਹ ਫੜ ਨਹੀਂ ਸਕਦੇ;ਪੈਰ ਤਾਂ ਹਨ, ਪਰ ਉਹ ਤੁਰ ਨਹੀਂ ਸਕਦੇ;+ਉਨ੍ਹਾਂ ਦੇ ਗਲ਼ੇ ਵਿੱਚੋਂ ਕੋਈ ਆਵਾਜ਼ ਨਹੀਂ ਨਿਕਲਦੀ।+
8 ਉਨ੍ਹਾਂ ਨੂੰ ਬਣਾਉਣ ਵਾਲੇ ਉਨ੍ਹਾਂ ਵਰਗੇ ਬਣ ਜਾਣਗੇ,+ਉਹ ਵੀ ਜਿਹੜੇ ਉਨ੍ਹਾਂ ʼਤੇ ਭਰੋਸਾ ਰੱਖਦੇ ਹਨ।+
9 ਹੇ ਇਜ਼ਰਾਈਲ, ਯਹੋਵਾਹ ʼਤੇ ਭਰੋਸਾ ਰੱਖ,+ਉਹੀ ਤੇਰਾ ਮਦਦਗਾਰ ਅਤੇ ਤੇਰੀ ਢਾਲ ਹੈ।+
10 ਹੇ ਹਾਰੂਨ ਦੇ ਘਰਾਣੇ,+ ਯਹੋਵਾਹ ʼਤੇ ਭਰੋਸਾ ਰੱਖ,ਉਹੀ ਤੇਰਾ ਮਦਦਗਾਰ ਅਤੇ ਤੇਰੀ ਢਾਲ ਹੈ।
11 ਤੂੰ ਜੋ ਯਹੋਵਾਹ ਤੋਂ ਡਰਦਾ ਹੈਂ, ਯਹੋਵਾਹ ʼਤੇ ਭਰੋਸਾ ਰੱਖ,+ਉਹੀ ਤੇਰਾ ਮਦਦਗਾਰ ਅਤੇ ਤੇਰੀ ਢਾਲ ਹੈ।+
12 ਯਹੋਵਾਹ ਸਾਨੂੰ ਯਾਦ ਰੱਖਦਾ ਹੈ ਅਤੇ ਸਾਨੂੰ ਬਰਕਤਾਂ ਦੇਵੇਗਾ;ਉਹ ਇਜ਼ਰਾਈਲ ਦੇ ਘਰਾਣੇ ਨੂੰ ਬਰਕਤਾਂ ਦੇਵੇਗਾ;+ਉਹ ਹਾਰੂਨ ਦੇ ਘਰਾਣੇ ਨੂੰ ਬਰਕਤਾਂ ਦੇਵੇਗਾ।
13 ਯਹੋਵਾਹ ਉਨ੍ਹਾਂ ਨੂੰ ਬਰਕਤਾਂ ਦੇਵੇਗਾ ਜਿਹੜੇ ਉਸ ਤੋਂ ਡਰਦੇ ਹਨ,ਹਾਂ, ਛੋਟੇ-ਵੱਡੇ ਸਾਰਿਆਂ ਨੂੰ।
14 ਯਹੋਵਾਹ ਤੁਹਾਡੀ ਗਿਣਤੀ ਵਧਾਵੇਗਾ,ਤੁਹਾਡੀ ਅਤੇ ਤੁਹਾਡੇ ਬੱਚਿਆਂ* ਦੀ।+
15 ਯਹੋਵਾਹ ਤੁਹਾਨੂੰ ਬਰਕਤਾਂ ਦੇਵੇ,+ਜੋ ਆਕਾਸ਼ ਅਤੇ ਧਰਤੀ ਦਾ ਸਿਰਜਣਹਾਰ ਹੈ।+
16 ਸਵਰਗ ਯਹੋਵਾਹ ਦਾ ਹੈ,+ਪਰ ਧਰਤੀ ਉਸ ਨੇ ਮਨੁੱਖ ਦੇ ਪੁੱਤਰਾਂ ਨੂੰ ਦਿੱਤੀ ਹੈ।+
17 ਮਰ ਚੁੱਕੇ ਲੋਕ ਯਾਹ ਦੀ ਮਹਿਮਾ ਨਹੀਂ ਕਰਦੇ+ਅਤੇ ਨਾ ਹੀ ਉਹ ਲੋਕ ਜਿਨ੍ਹਾਂ ਨੂੰ ਮੌਤ ਨੇ ਖ਼ਾਮੋਸ਼ ਕਰ ਦਿੱਤਾ ਹੈ।*+
18 ਪਰ ਅਸੀਂ ਹੁਣ ਅਤੇ ਸਦਾ ਲਈਯਾਹ ਦੀ ਮਹਿਮਾ ਕਰਾਂਗੇ।
ਯਾਹ ਦੀ ਮਹਿਮਾ ਕਰੋ!*
ਫੁਟਨੋਟ
^ ਜਾਂ, “ਹੇ ਯਹੋਵਾਹ, ਅਸੀਂ ਕਿਸੇ ਕਾਬਲ ਨਹੀਂ, ਹਾਂ, ਕਿਸੇ ਕਾਬਲ ਨਹੀਂ।”
^ ਇਬ, “ਪੁੱਤਰਾਂ।”
^ ਇਬ, “ਖ਼ਾਮੋਸ਼ੀ ਵਿਚ ਉੱਤਰ ਗਏ ਹਨ।”
^ ਜਾਂ, “ਹਲਲੂਯਾਹ।” “ਯਾਹ” ਯਹੋਵਾਹ ਨਾਂ ਦਾ ਛੋਟਾ ਰੂਪ ਹੈ।
