ਉਪਦੇਸ਼ਕ ਦੀ ਕਿਤਾਬ 1:1-18
1 ਉਪਦੇਸ਼ਕ* ਦੇ ਬੋਲ।+ ਉਹ ਯਰੂਸ਼ਲਮ ਵਿਚ ਰਾਜਾ ਅਤੇ ਦਾਊਦ ਦਾ ਪੁੱਤਰ ਹੈ।+
2 ਉਪਦੇਸ਼ਕ ਕਹਿੰਦਾ ਹੈ: “ਵਿਅਰਥ! ਵਿਅਰਥ!”
“ਹਾਂ, ਸਭ ਕੁਝ ਵਿਅਰਥ ਹੈ!”+
3 ਇਨਸਾਨ ਧਰਤੀ ਉੱਤੇ* ਸਖ਼ਤ ਮਿਹਨਤ ਕਰਦਾ ਹੈ,ਪਰ ਉਸ ਨੂੰ ਆਪਣੀ ਮਿਹਨਤ ਦਾ ਕੀ ਫਲ ਮਿਲਦਾ ਹੈ?+
4 ਇਕ ਪੀੜ੍ਹੀ ਆਉਂਦੀ ਹੈ ਅਤੇ ਇਕ ਪੀੜ੍ਹੀ ਜਾਂਦੀ ਹੈ,ਪਰ ਧਰਤੀ ਹਮੇਸ਼ਾ ਕਾਇਮ* ਰਹਿੰਦੀ ਹੈ।+
5 ਸੂਰਜ ਚੜ੍ਹਦਾ ਹੈ ਅਤੇ ਸੂਰਜ ਡੁੱਬਦਾ ਹੈ;ਫਿਰ ਉਹ ਭੱਜ ਕੇ ਆਪਣੀ ਜਗ੍ਹਾ ਵਾਪਸ ਚਲਾ ਜਾਂਦਾ ਹੈ ਤੇ ਦੁਬਾਰਾ ਚੜ੍ਹਦਾ ਹੈ।+
6 ਹਵਾ ਦੱਖਣ ਵੱਲ ਵਗਦੀ ਹੈ ਅਤੇ ਫਿਰ ਵਾਪਸ ਉੱਤਰ ਵੱਲ ਆ ਜਾਂਦੀ ਹੈ;ਇਹ ਚੱਕਰ ਤੇ ਚੱਕਰ ਕੱਟਦੀ ਰਹਿੰਦੀ ਹੈ।
7 ਸਾਰੇ ਦਰਿਆ* ਸਮੁੰਦਰ ਵਿਚ ਜਾ ਮਿਲਦੇ ਹਨ, ਫਿਰ ਵੀ ਸਮੁੰਦਰ ਨਹੀਂ ਭਰਦਾ।+
ਸਾਰੇ ਦਰਿਆ ਆਪਣੀ ਜਗ੍ਹਾ ਵਾਪਸ ਚਲੇ ਜਾਂਦੇ ਹਨ ਅਤੇ ਦੁਬਾਰਾ ਵਗਣ ਲੱਗ ਪੈਂਦੇ ਹਨ।+
8 ਸਾਰੀਆਂ ਗੱਲਾਂ ਥਕਾਉਂਦੀਆਂ ਹਨ;ਕੋਈ ਇਨ੍ਹਾਂ ਨੂੰ ਸ਼ਬਦਾਂ ਵਿਚ ਬਿਆਨ ਨਹੀਂ ਕਰ ਸਕਦਾ।
ਇਹ ਸਭ ਕੁਝ ਦੇਖ ਕੇ ਅੱਖਾਂ ਨੂੰ ਤਸੱਲੀ ਨਹੀਂ ਹੁੰਦੀਅਤੇ ਨਾ ਹੀ ਇਨ੍ਹਾਂ ਬਾਰੇ ਸੁਣ ਕੇ ਕੰਨਾਂ ਨੂੰ ਤਸੱਲੀ ਹੁੰਦੀ।
9 ਜੋ ਹੋ ਚੁੱਕਾ ਹੈ, ਉਹ ਦੁਬਾਰਾ ਹੋਵੇਗਾਅਤੇ ਜੋ ਕੀਤਾ ਜਾ ਚੁੱਕਾ ਹੈ, ਉਹ ਦੁਬਾਰਾ ਕੀਤਾ ਜਾਵੇਗਾ;ਧਰਤੀ ਉੱਤੇ ਕੁਝ ਵੀ ਨਵਾਂ ਨਹੀਂ ਹੁੰਦਾ।+
10 ਕੀ ਕੋਈ ਅਜਿਹੀ ਚੀਜ਼ ਹੈ ਜਿਸ ਬਾਰੇ ਕਿਹਾ ਜਾ ਸਕੇ, “ਦੇਖੋ, ਇਹ ਨਵੀਂ ਹੈ”?
ਇਹ ਤਾਂ ਪਹਿਲਾਂ ਹੀ ਲੰਬੇ ਸਮੇਂ ਤੋਂ ਮੌਜੂਦ ਹੈ;ਇਹ ਤਾਂ ਸਾਡੇ ਜ਼ਮਾਨੇ ਤੋਂ ਵੀ ਪਹਿਲਾਂ ਦੀ ਹੈ।
11 ਕੋਈ ਵੀ ਪੁਰਾਣੇ ਸਮੇਂ ਦੇ ਲੋਕਾਂ ਨੂੰ ਯਾਦ ਨਹੀਂ ਕਰਦਾ,ਨਾ ਹੀ ਕੋਈ ਉਨ੍ਹਾਂ ਤੋਂ ਬਾਅਦ ਆਉਣ ਵਾਲਿਆਂ ਨੂੰ ਯਾਦ ਕਰਦਾ ਹੈਅਤੇ ਨਾ ਹੀ ਉਨ੍ਹਾਂ ਤੋਂ ਵੀ ਬਾਅਦ ਆਉਣ ਵਾਲਿਆਂ ਨੂੰ ਯਾਦ ਰੱਖਿਆ ਜਾਂਦਾ ਹੈ।+
12 ਮੈਂ ਉਪਦੇਸ਼ਕ, ਯਰੂਸ਼ਲਮ ਵਿਚ ਇਜ਼ਰਾਈਲ ਦਾ ਰਾਜਾ ਹਾਂ।+
13 ਧਰਤੀ ਉੱਤੇ ਜੋ ਕੁਝ ਹੁੰਦਾ ਹੈ, ਮੈਂ ਪੂਰਾ ਮਨ ਲਾ ਕੇ ਉਸ ਦਾ ਅਧਿਐਨ ਕੀਤਾ ਅਤੇ ਬੁੱਧ+ ਨਾਲ ਉਸ ਦੀ ਖੋਜਬੀਨ ਕੀਤੀ।+ ਪਰਮੇਸ਼ੁਰ ਨੇ ਮਨੁੱਖ ਦੇ ਪੁੱਤਰਾਂ ਨੂੰ ਜੋ ਵੀ ਕਰਨ ਲਈ ਦਿੱਤਾ ਹੈ, ਉਹ ਬਹੁਤ ਦੁਖਦਾਈ ਹੈ ਜਿਸ ਵਿਚ ਉਹ ਲੱਗੇ ਰਹਿੰਦੇ ਹਨ।
14 ਮੈਂ ਧਰਤੀ ਉੱਤੇ ਕੀਤੇ ਜਾਂਦੇ ਸਾਰੇ ਕੰਮਾਂ ਨੂੰ ਦੇਖਿਆ,ਦੇਖੋ! ਸਭ ਕੁਝ ਵਿਅਰਥ ਹੈ, ਇਹ ਹਵਾ ਪਿੱਛੇ ਭੱਜਣ ਦੇ ਬਰਾਬਰ ਹੈ।+
15 ਜੋ ਟੇਢਾ ਹੈ, ਉਸ ਨੂੰ ਸਿੱਧਾ ਨਹੀਂ ਕੀਤਾ ਜਾ ਸਕਦਾਅਤੇ ਜੋ ਹੈ ਹੀ ਨਹੀਂ, ਉਸ ਨੂੰ ਗਿਣਿਆ ਨਹੀਂ ਜਾ ਸਕਦਾ।
16 ਫਿਰ ਮੈਂ ਆਪਣੇ ਮਨ ਵਿਚ ਕਿਹਾ: “ਦੇਖ! ਮੈਂ ਬਹੁਤ ਬੁੱਧ ਹਾਸਲ ਕੀਤੀ ਹੈ, ਯਰੂਸ਼ਲਮ ਵਿਚ ਮੇਰੇ ਤੋਂ ਪਹਿਲਾਂ ਕਿਸੇ ਕੋਲ ਇੰਨੀ ਬੁੱਧ ਨਹੀਂ ਸੀ।+ ਮੈਂ ਬਹੁਤ ਹੀ ਬੁੱਧ ਅਤੇ ਗਿਆਨ ਹਾਸਲ ਕਰ ਲਿਆ ਹੈ।”+
17 ਮੈਂ ਪੂਰਾ ਮਨ ਲਾ ਕੇ ਬੁੱਧ, ਪਾਗਲਪੁਣੇ* ਅਤੇ ਮੂਰਖਤਾ ਨੂੰ ਸਮਝਣ ਦੀ ਕੋਸ਼ਿਸ਼ ਕੀਤੀ,+ ਪਰ ਮੈਨੂੰ ਅਹਿਸਾਸ ਹੋਇਆ ਕਿ ਇਹ ਵੀ ਹਵਾ ਪਿੱਛੇ ਭੱਜਣ ਦੇ ਬਰਾਬਰ ਹੈ।
18 ਜਿੰਨੀ ਜ਼ਿਆਦਾ ਬੁੱਧ, ਉੱਨੀ ਜ਼ਿਆਦਾ ਨਿਰਾਸ਼ਾ,ਇਸ ਲਈ ਜਿਹੜਾ ਵੀ ਆਪਣਾ ਗਿਆਨ ਵਧਾਉਂਦਾ ਹੈ, ਉਹ ਆਪਣਾ ਦੁੱਖ ਵਧਾਉਂਦਾ ਹੈ।+
ਫੁਟਨੋਟ
^ ਜਾਂ, “ਸਭਾ ਬੁਲਾਉਣ ਵਾਲਾ; ਲੋਕਾਂ ਨੂੰ ਇਕੱਠਾ ਕਰਨ ਵਾਲਾ।”
^ ਇਬ, “ਸੂਰਜ ਹੇਠ।” ਇਹ ਸ਼ਬਦ ਉਪਦੇਸ਼ਕ ਦੀ ਕਿਤਾਬ ਵਿਚ 29 ਵਾਰ ਆਉਂਦੇ ਹਨ।
^ ਇਬ, “ਖੜ੍ਹੀ।”
^ ਜਾਂ, “ਸਰਦੀਆਂ ਵਿਚ ਜਾਂ ਕਿਸੇ ਹੋਰ ਮੌਸਮ ਵਿਚ ਵਗਣ ਵਾਲੇ ਦਰਿਆ।”
^ ਜਾਂ, “ਅੱਤ ਦੀ ਮੂਰਖਤਾ।”
