ДОНАРГЪУЫД райстон 1961 азы, Трухильойы куы амардтой, уымӕй иу мӕйы фӕстӕ. Уыцы рӕстӕг университеты юристыл ахуыр кодтон. Мӕ фыды фӕндыд, цӕмӕй ахуыры фӕстӕ юристӕй кусын райдыдтаин. Фӕлӕ ӕз ӕмбӕрстон, Хуыцау мӕ цӕуыл сахуыр кӕна, ууыл мӕ иу университет дӕр кӕй нӕ сахуыр кӕндзӕн. Гъемӕ ӕз дӕр мӕ ахуыр ныууагътон, кӕд мӕ фыд уый ныхмӕ уыд, уӕддӕр. Уымӕй бирӕ нӕ рацыд, афтӕ мӕ сӕрмагонд пионерӕй снысан кодтой.

Цы горӕтты лӕггад кодтон, уыдонӕй иу уыд Ла-Вегӕ – католикон аргъуан фидар уидӕгтӕ кӕм ауагъта, уыцы горӕт. Цалынмӕ дзы лӕггад кодтон, уӕдмӕ иу адӕймаг дӕр рӕстдзинад йӕ зӕрдӕмӕ нӕ айста. Раныхас-иу мын куы уыд, уӕд-иу дзы, кӕимӕ лӕггад кодтон, уыцы пионеры йеддӕмӕ ничи уыд. Фӕлӕ-иу мын Йегъовӕ ӕххуыс кодта, Библи кӕй иртӕстон ӕмӕ-иу ӕм зӕрдӕбынӕй кӕй куывтон,  уый фӕрцы, стӕй конгресстӕм кӕй цыдтӕн, уый фӕрцы дӕр. Куы-иу куывтон, уӕд-иу загътон, тӕхуды, Йегъовӕ, Ла-Вегӕйы искуы ӕмбырд куы фӕзынид, зӕгъгӕ. Ӕмӕ мын тынг ӕхсызгон у, ныр дзы кӕй ис 6 Паддзахады залы, 14 ӕмбырды ӕмӕ 800 хъусынгӕнӕгӕй фылдӕр.

1956 азы мӕ цард баиу кодтон Анхелӕимӕ, ӕмӕ нӕ 1981 азы Вефилмӕ фӕхуыдтой. Донаргъуыд куы райстон, уӕд Доминиканы Республикӕйы уыд ӕрмӕстдӕр 681 хъусынгӕнӕджы. Ныр та дзы ис 36 000 хъусынгӕнӕгӕй фылдӕр, ӕмӕ нӕм конгрессты вӕййы мингай адӕм. Йегъовӕ уыйбӕрц адӕмы зӕрдӕтӕ куыд байгом кодта, ууыл куы фӕхъуыды кӕнын, уӕд тынг дис фӕкӕнын.