Адӕймаг хъуамӕ Йегъовӕйӕн зӕрдӕйӕ коммӕгӕс уа (Ӕм 3:1). Уымӕ гӕсгӕ иннӕтимӕ Библи куы фӕахуыр кӕнӕм, уӕд хъуамӕ архайӕм сӕ зӕрдӕтӕм фӕндаг ссарыныл. Уый нӕ бон куыд у аразын?

Адӕймагӕн Библийы ахуырӕдтӕ бацамонын фаг нӕу. Хъуамӕ ма йын ӕххуыс кӕнӕм, цӕмӕй-иу бамбара, цы базыдта, уый йын царды куыд фӕпайда уыдзӕн ӕмӕ йын Йегъовӕмӕ ӕввахсдӕр кӕнынӕн куыд баххуыс кӕндзӕн. Стӕй ма хъуамӕ бамбара, Библийы фыст закъӕттӕй ӕмӕ уагӕвӕрдтӕй куыд зыны, Хуыцау нӕ куыд тынг уарзы, куыд хӕларзӕрдӕ ӕмӕ куыд рӕстаг у, уый. Цы ӕрмӕг рацыдыстӕм, уый фӕдыл ын цӕмӕй йӕ хъуыды базонӕм, уый тыххӕй йӕм хъуамӕ фарстатӕ дӕттӕм, ӕрмӕст уӕзданӕй. Хъӕуы йын баххуыс кӕнын, цӕмӕй ахъуыды кӕна, йӕ цард куыд фӕхуыздӕр уыдзӕн, цавӕрдӕр хъуыддагмӕ раст цӕстӕй кӕсын куы райдайа кӕнӕ цавӕрдӕр ӕвзӕр хъуыддаг куы ныууадза, уӕд. Библи кӕимӕ ахуыр кӕнӕм, уый Йегъовӕйы ӕппӕт зӕрдӕйӕ кӕй уарзы, уый куы уынӕм, уӕд нӕ циндзинад фылдӕр кӕндзӕн.

БАКӔС ВИДЕОРОЛИКМӔ «АХУЫРГӔНИНӔГТӔ ЦӔТТӔ КӔНЫНЫ ХЪУЫДДАГ ХӔССЫ ЦИНДЗИНАД. АРӔХСТДЖЫНДӔРӔЙ ХЪУСЫН КӔНУТ. АДӔМЫ ЗӔРДӔТӔМ ФӔНДАГ АГУРУТ» ӔМӔ ДЗУАПП РАТТ АЦЫ ФАРСТАТӔН:

• Нитӕ Джейды афтӕ цӕмӕн бафарста, зӕгъгӕ, къуырисӕры цӕуыл дзырдтам, ууыл ма хъуыды кодтай?

• Нитӕ Джейдӕн куыд бамбарын кодта, Библийы уагӕвӕрдтӕ Хуыцауы уарзондзинадыл дзурӕг кӕй сты?

• Нитӕ Джейдӕн куыд бамбарын кодта, Йегъовӕйы кӕй уарзы, уый йӕ бон куыд у равдисын?