Дзуттаг дины разамонджытӕ адӕммӕ цы зӕрдӕ дардтой, уый Йесойӕн тынг хъыг цӕмӕн уыд? Уымӕн ӕмӕ уыдон сабаты тыххӕй закъонмӕ бафтыдтой бирӕ ӕнӕхъӕугӕ фӕдзӕхстытӕ ӕмӕ уый тыххӕй уыцы закъон адӕмӕн уаргъы хуызӕн сси. Зӕгъӕм, ӕхсӕнкъ амарын уыд закъоны ныхмӕ. Рынчыны дзӕбӕх кӕнӕн та уыди, йӕ цардӕн-иу тӕссаг куы уыд, ӕрмӕстдӕр уӕд. Уый ууыл дзурӕг у, ӕмӕ адӕймагӕн йе стӕг куы асастаид кӕнӕ йӕ къах йе та йӕ къух куы фелвӕстаид, уӕд ӕй сабаты дзӕбӕх кӕнӕн нӕ уыд. Уӕдӕ бӕрӕг у, уыцы дины разамонджытӕм нымады дӕр кӕй нӕ уыд, йӕ къух хуыскъ кӕмӕн уыди, уыцы адӕймаг.
