Псалом 8:1—9
Амонӕгӕн. Гиттит*+. Давиды зарӕг.
8 О Йегъовӕ, нӕ Хицау, куыд диссаг у дӕ ном ӕгас зӕххыл дӕр!+Дӕ кады кой хъуысы ӕрвтӕй дӕр уӕлдӕр!+
2 Ды афтӕ бакодтай, ӕмӕ сабитӕ ӕмӕ дзидзидай сывӕллӕттӕ дӕ сӕрыл фидарӕй дзурынц+,Демӕ чи тох кӕны+, уыдоны раз,Цӕмӕй бауромай знаджы ӕмӕ мастисӕджы+.
3 Куы фӕкӕсын арвмӕ, дӕ къухты* фыдӕбонмӕ+,Де сконд мӕймӕ ӕмӕ стъалытӕм+,
4 Уӕд цы у зӕххон адӕймаг+, ӕмӕ йӕ ды хъуыды кӕнай?+Ӕмӕ цы у адӕймаджы фырт, ӕмӕ йыл ды тыхсай?+
5 Зӕдтӕй* йӕ бирӕ дӕлдӕр нӕ сӕвӕрдтай+,Кад+ ӕмӕ намысы худ ын ӕркодтай йӕ сӕрыл+.
6 Дӕ къухты фыдӕбон ын йӕ дӕлбар бакодтай+.Ӕппӕт дӕр ын ӕрӕвӕрдтай йӕ къӕхты бын+:
7 Лыстӕг фос ӕмӕ стурвосӕй цыдӕриддӕр ис, уыдоны+Ӕмӕ хъӕддаг сырдты+,
8 Уӕларвон мӕргъты ӕмӕ денджызы кӕсӕгты+,Денджызты чи ленк кӕны, уыцы цӕрӕгойты+.
9 О Йегъовӕ, нӕ Хицау, куыд диссаг у дӕ ном ӕгас зӕххыл дӕр!+
Фиппаинӕгтӕ
^ Музыкалон термин. Бӕлвырдӕй цы нысан кӕны, уый бӕрӕг нӕу.
^ Комк. «де ’нгуылдзты».
^ Дзут. «Хуыцауы хуызӕн чи у, уыдонӕй».
