Псалом 65:1—13
Амонӕгӕн. Давиды псалом. Зарӕг.
65 О Хуыцау, Сионыл+ дӕуӕн ӕмбӕлы кад, дӕ разы ӕмбӕлы ӕнӕдзургӕйӕ лӕууын.Цӕй тыххӕй дын расомы кодтам, уыдон сӕххӕст кӕндзыстӕм+.
2 Куывдтытӕ чи хъусы, уыцы Хуыцау, дӕумӕ ӕрцӕудзысты адӕм иууылдӕр+.
3 Мӕ рӕдыдтытӕ мыл тых кӕнынц+.Ды нын ныххатыр кӕндзынӕ нӕ тӕригъӕдтӕ+.
4 Амондджын у уыцы адӕймаг, ды кӕй равзӕрстай ӕмӕ дӕхимӕ кӕй ӕрбаввахс кодтай+,Цӕмӕй дӕ кӕртыты цӕра+.Мах бафсӕддзыстӕм дӕ хӕдзары хорздзинӕдтӕй+,Дӕ рухс кувӕндоны хорздзинӕдтӕй+.
5 Ды нын дзуапп ратдзынӕ, рӕстдзинады номыл цы диссаджы хъуыддӕгтӕ сараздзынӕ, уыдонӕй+,О нӕ ирвӕзынгӕнӕг Хуыцау+,Дӕуыл дарынц сӕ зӕрдӕ, зӕххы кӕрӕтты ӕмӕ дард денджызты былгӕрӕтты чи цӕры, уыдон+.
6 Уый хӕхтӕ ӕрфидар кодта йӕ тыхӕй+,Йӕ астӕу ӕлвӕст у хъомысӕй+.
7 Ныссабыр кӕны денджызты хъӕр+,Сӕ уылӕнты хъӕр ӕмӕ, чи змӕнты, уыцы адӕмыхӕттыты+.
8 Зӕххы кӕрӕтты чи цӕры, уыдон фӕтӕрсдзысты дӕ диссӕгтӕй+.Ды хурыскаст ӕмӕ хурныгуылд фырцинӕй зарынтыл фӕкӕныс+.
9 Ды де ’ргом раздӕхтай зӕхмӕ, цӕмӕй йыл алцыдӕр парахатӕй уа+,Алцӕмӕй йӕ хъӕздыг кӕныс.Хуыцауӕй цы цӕугӕдон цӕуы, уый йӕ былтӕй кӕлы+.Ды афтӕ бакодтай, ӕмӕ сӕ хоры хуымтӕ тыллӕг дӕттынц+,Ӕмӕ афтӕмӕй зӕххӕн дӕттыс бӕркад+.
10 Йӕ гутоны хӕххытӕ донӕй бафсӕдынц, йӕ къуыбӕрттӕ слӕгъз вӕййынц+.Тӕрккъӕвдатӕй йӕ сфӕлмӕн кӕныс, арфӕ йын кӕныс йе ’взартӕн+.
11 Афӕдзыл дӕ хорздзинӕдтӕ кадыхудау ӕркодтай+,Дӕ къахвӕдтӕй тӕдзы бӕркад+.
12 Ӕдзӕрӕг бӕстӕйы хизӕнтӕн сӕ сой тӕдзы+,Ӕмӕ къуыбыртӕ сӕ астӕутӕ цинӕй ӕрбалвӕстой+.
13 Хизӕнтӕ сӕхи сфӕлыстой фосы дзугтӕй+,Дӕлвӕзтӕ хортӕй сӕхи стыхтой+.Фырцинӕй хъӕр кӕнынц, зарынц+.
