Иов 13:1—28
13 Ӕппӕт уыдӕттӕ мӕхи цӕстӕй федтон,Мӕхи хъусӕй сӕ фехъуыстон ӕмӕ сыл ныр хъуыды кӕнын.
2 Сымах цы зонут, уыдӕттӕ ӕз дӕр зонын,Сымахӕй ницӕмӕй ӕвзӕрдӕр дӕн+.
3 Мӕн та фӕнды, Ӕппӕтхъомысджын Хуыцауимӕ куы дзурин+Ӕмӕ мын Хуыцауимӕ быцӕу кӕнын ӕхсызгон куы уаид.
4 Сымах та мыл цъыфкалӕн кӕнут+.Уе ’ппӕт дӕр стут ницӕйаг дохтыртӕ+.
5 Фӕлтау ӕппындӕр куы ницы дзуриккат –Уымӕй бӕрӕг уаид уӕ зонд!+
6 Уӕ хорзӕхӕй, мӕ ныхӕстӕм дӕр мын байхъусут+,Мӕ лӕгъстӕтӕм мын уӕ хъус ӕрдарут.
7 Ныр Хуыцауы сӕрыл дзургӕйӕ хъуамӕ мӕнгард ныхӕстӕ кӕнат?Кӕнӕ хъуамӕ гӕдыныхӕстӕ дзурат?+
8 Хуыцауы хъуамӕ рӕстытӕ кӕнат?+Науӕд хъуамӕ тӕрхоны ӕцӕг Хуыцауы фарс хӕцат?
9 Лӕмбынӕг уӕ куы басгара, уӕд уын хорз уыдзӕн?+Ӕви уын цыма зӕххон адӕймаг у, афтӕ дзы ахынджылӕг кӕнынмӕ хъавут?
10 Кӕд уӕ зӕрдӕйы хъулон митӕ ис+,Уӕд уӕ ӕнӕ карз уайдзӕфӕй ницы хуызы ныууадздзӕн+.
11 Йӕ кад уын уӕ зӕрдӕты тас нӕ бауадздзӕн?Ӕмӕ йӕ разы фыртӕссӕй нӕ зыр-зыр кӕндзыстут?+
12 Уӕ диссаджы ныхӕстӕ фӕныкӕй уӕлдай не сты – ницӕйаг ӕмбисӕндтӕ.Уӕ дзуаппытӕ – ӕлыгӕй конд уартытӕ+.
13 Иу гыццыл хъусӕй фӕлӕуут ӕмӕ мӕ дзурын бауадзут,Стӕй цы уа, уый уӕд!
14 Мӕ цард тӕссаг раны цӕмӕн ис,Мӕ уд мӕлӕты дзыхмӕ цӕмӕн ӕппарын?*+
15 Маргӕ дӕр мӕ куы акӕна, уӕд дӕр не ’нхъӕлмӕ кӕсдзынӕн?+Уӕддӕр йӕ разы мӕ фӕндӕгты сӕрыл дзурдзынӕн.
16 Уый уыдзӕн мӕ ирвӕзындзинад+,Уымӕн ӕмӕ йӕ размӕ, чи йӕ ныууагъта, ахӕм не ’рбацӕудзӕн+.
17 Мӕ ныхӕстӕм мын дзӕбӕх байхъусут+,Цы дзурын, уый уӕм фехъуысӕд.
18 Ӕз мӕ хъуыддаг тӕрхонмӕ рахастон+.Зонын ӕй, раст кӕй дӕн.
19 Исчи дзурдзӕн мӕ ныхмӕ?+Куы ныхъхъус уаин, уӕд амӕлин!
20 О Хуыцау, дыууӕ хъуыддаджы дӕ курын.Уӕд дӕ мӕхи не ’мбӕхсдзынӕн+.
21 Курын дӕ, дӕ къух мӕ айс.Тас мӕ ма уадз, ма мӕ тӕрсын кӕн+.
22 Фӕдзур мӕм, ӕмӕ дын дзуапп раттон.Кӕнӕ та ӕз дзурдзынӕн, ӕмӕ мын ды ратт дзуапп.
23 Цӕмӕй фӕрӕдыдтӕн, цавӕр тӕригъӕдтӕ ракодтон?Зӕгъ мын, цы у мӕ фыдракӕнд ӕмӕ мӕ тӕригъӕд.
24 Цӕмӕн ӕмбӕхсыс дӕ цӕсгом+Ӕмӕ мӕм знаджы цӕстӕй цӕмӕн кӕсыс?+
25 Дымгӕ кӕй рахӕсс-бахӕсс кӕны, уыцы сыф змӕлын кӕндзынӕ?Науӕд хус хъӕмпыхалы фӕдыл зилдзынӕ?
26 Цыдӕртӕ мыл фыссыс, аххосджын мӕ кӕныс+,Ме ’рыгон бонты рӕдыдтытӕ мын фидын кӕныс+.
27 Мӕ къӕхтӕ мын хъадаманты бакодтай+Ӕмӕ мын мӕ алы къахдзӕфмӕ дӕр кӕсыс.Мӕ къахдзӕфтӕн мын хахх акӕныс.
28 А лӕг* ӕмбыдӕй уӕлдай нӕу, ницӕмӕнуал бӕззы+.Уый у, рӕмпӕг кӕй бахордта, ахӕм дарӕсы хуызӕн+.
Фиппаинӕгтӕ
^ Комк. «Мӕ фыд мӕ дӕндӕгты ’хсӕн цӕмӕн хӕссын ӕмӕ мӕ уд мӕ къухы цӕмӕн ӕвӕрын?»
^ Дзут. «Уый», ома Иов.
