Авраам ӕма Саррӕ лӕг ӕма уоститӕн фӕнзуйнаг ӕнцӕ, кӕрӕдзей куд уарзтонцӕ ӕма кӕрӕдземӕн куд аргъ кодтонцӕ, уомӕй (Рд 12:11–13; 1Пт 3:6). Фал е уобӕл дзорӕг нӕй, ӕма сӕ бийнонти цард ӕнхӕст адтӕй – етӕ дӕр зинтӕй хизт н’ адтӕнцӕ. Авраам ӕма Саррӕ кӕрӕдземӕн куд адтӕнцӕ, уомӕй бийнонтӕ цӕбӕл ахур кӕнунцӕ?

Кӕрӕдзей хӕццӕ дзоретӕ. Дӕ цардӕмбал мӕстгун кенӕ ӕнкъард ку уа, ӕма дӕмӕ уотемӕй зуст дзурд ку искӕна, уӕддӕр ибӕл дӕ зӕрдӕ ма раходӕт (Рд 16:5, 6). Еумӕ фулдӕр рӕстӕг ӕрвететӕ. Уӕ дзурдтӕй ӕма уӕ гъуддӕгтӕй дӕр бӕрӕг уӕд, кӕрӕдзей берӕ ке уарзетӕ. Фал уи иронх ма уӕд, уӕ царди фиццаг бунати Йеговӕ ке гъӕуама уа: еумӕ имӕ коветӕ, еумӕ ин лӕггадӕ кӕнтӕ ӕма Библи дӕр еумӕ ахур кӕнтӕ (Ек 4:12). Уӕ бийнонтӕ федар ку уонцӕ, уӕд е кадӕ хӕсдзӕй Йеговӕн – бийнонти цардӕн бундор ка ӕрӕвардта, уомӕн.

БАКӔСӔ ВИДЕОРОЛИКМӔ «ДӔ БИНОНТЫ ЦАРД ФИДАР КӔН» ӔМА АЦИ ФАРСТАТӔБӔЛ ДЗУӔППИТӔ РАТТӔ:

• Шаан ӕма Киарӕ кӕрӕдземӕй идард кӕнун ке райдӕдтонцӕ, е цӕмӕй бӕрӕг адтӕй?

• Лӕг ӕма уосӕн кӕрӕдзей хӕццӕ ӕргом дзорун ӕхсидзгӕ цӕмӕн ӕй?

• Авраам ӕма Сарри хабар Шаан ӕма Киарӕн куд банхус кодта?

• Шаан ӕма Киарӕ цӕхуӕн къахдзӕфтӕ искодтонцӕ, цӕмӕй сӕ бийнонтӕ федардӕр кодтайуонцӕ?

• Бийнонти цард ӕнӕ зинтӕй ке нӕ уодзӕй, уой лӕдӕрун цӕмӕн гъӕуй?