ଏହି ଭାଗରେ ଆମେ ଏପରି ପିଲା, ଭବିଷ୍ୟଦ୍‌ବକ୍ତା ଓ ରାଜାମାନଙ୍କ ବିଷୟରେ ଶିଖିବା ଯେଉଁମାନଙ୍କର ଯିହୋବାଙ୍କ ଉପରେ ମଜବୁତ୍‌ ବିଶ୍ୱାସ ଥିଲା । ଅରାମରେ ଥିବା ଜଣେ ଛୋଟ ଇସ୍ରାଏଲୀୟ ଝିଅକୁ ବିଶ୍ୱାସ ଥିଲା ଯେ ଯିହୋବାଙ୍କ ଜଣେ ଭବିଷ୍ୟଦ୍‌ବକ୍ତା, ନାମାନ୍‌ଙ୍କ ରୋଗକୁ ଠିକ୍‌ କରିଦେବେ । ଭବିଷ୍ୟଦ୍‌ବକ୍ତା ଇଲୀଶାୟଙ୍କୁ ପୂରା ଭରସା ଥିଲା ଯେ ଯିହୋବା ତାଙ୍କୁ ଶତ୍ରୁମାନଙ୍କ ସେନାରୁ ରକ୍ଷା କରିବେ । ମହାଯାଜକ ଯିହୋୟାଦା ନିଜ ଜୀବନ ବିପଦରେ ପକାଇ ଶିଶୁ ଯୋୟାଶ୍‌କୁ ତାଙ୍କ ଜେଜେ ମାଆ ଅଥଲୀୟାଠାରୁ ରକ୍ଷା କଲେ ଯିଏ ଜଣେ ଦୁଷ୍ଟ ସ୍ତ୍ରୀ ଥିଲା । ରାଜା ହିଜକୀୟଙ୍କୁ ଭରସା ଥିଲା ଯେ ଯିହୋବା ଯିରୂଶାଲମକୁ ରକ୍ଷା କରିବେ, ତେଣୁ ସେ ଅଶୂରୀୟମାନଙ୍କ ଧମକକୁ ଡରିଲେ ନାହିଁ । ରାଜା ଯୋଶୀୟ ଦେଶରୁ ମୂର୍ତ୍ତିପୂଜାକୁ ବନ୍ଦ କରାଇ ଦେଲେ, ମନ୍ଦିରର ମରାମତି କରାଇଲେ ଓ ସତ୍ୟ ଉପାସନା ପୁଣି ଆରମ୍ଭ କରାଇଲେ ।