DEƐMƆTI ƆHYIA LA: Saa Baebolo sukoavoma siezie bɛ nwo a, ɔboa bɛ ɔmaa bɛte mɔɔ yɛlɛkilehile bɛ la abo na bɛkakye. Mekɛ mɔɔ bɛlɛte ɔ bo na bɛahakye la ɔmmaa ɔnyɛ se kɛ bɛbanyia anyuhɔlɛ ndɛndɛ. Saa bɛsɔne bɛ bɔbɔ a, ɔwɔ kɛ bɛsiezie bɛ nwo bɛmaa debiezukoalɛ nee daselɛlilɛ amaa ‘bɛahɔ zo bɛazinza.’ (Mt 25:13) Yemɔti kɛzi bɛsukoa debie nee debiezukoalɛ ngyehyɛleɛ kpalɛ baboa bɛ wɔ bɛ ɛbɛlabɔlɛ kɔsɔɔti anu. Ɔvi mɔlebɛbo ne ala, ɔwɔ kɛ yɛbɔ ɔ bo yɛboa yɛ sukoavoma ne yɛmaa bɛfa bɛyɛ bɛ subane kɛ bɛbaziezie bɛ nwo bamaa Baebolo debiezukoalɛ ne.

KƐZI BƐYƐ YE LA:

• 

  Yɛ neazo kpalɛ. (Wlo 2:21) Dwenle wɔ sukoavo ko biala anwo wɔ mekɛ mɔɔ ɛlɛsiezie ɛ nwo wɔamaa debiezukoalɛ ne la. (km 11/15 3) Fa wɔ ɛdeɛ ne mɔɔ wɔpepɛ ɔ bo la kile ye

• 

  Maa ye anwosesebɛ maa ɔziezie ɔ nwo. Saa bɛbɔ debiezukoalɛ ne abo a, maa ɔnwu ye kɛ ɔ nwo mɔɔ ɔbaziezie la boka debiezukoalɛ ngyehyɛleɛ ne anwo na ka nvasoɛ mɔɔ wɔ zo la kile ye. Fa nzuzulɛ mɔɔ fale kɛzi ɔbanyia mekɛ yeaziezie ɔ nwo la maa ye. Nolobɔlɛma bie mɔ fa bɛ buluku ne mɔɔ bɛpepɛ ɔ bo la maa sukoavo ne wɔ mekɛ mɔɔ bɛlɛsukoa la amaa yeanwu kɛzi ɔboa la. Kenle mɔɔ ɔbaziezie ɔ nwo la kanvo ye

• Kile ye kɛzi ɔbaziezie ɔ nwo la. Nolobɔlɛma bie mɔ bɔ ɔ bo a, bɛfa kenle ko bɛkile sukoavo ne kɛzi bɛsiezie bɛ nwo bɛmaa debiezukoalɛ ne la