NYAMENLE EDWƐKƐ NE AZO NVASOƐ | 2 TƐSALONAEKAMA 1-3
“Bɛbala Mɛladonlɛnli Ne Ali”
Edwɛkɛ ɛhye mɔ mɔɔ Pɔɔlo hanle la kile duzu?
-
“Debie mɔɔ ɛlɛsi adenle ne la” (ngy. 6)—Ɔbayɛ ɛzoanvolɛ ne mɔ
-
‘Bɛbala ye ali’ (ngy. 6)—Kilisienema mɔɔ ɛkpɔkye la maanle bɛ ɛzonlenlɛ nu nabalabayɛlɛ yɛɛ bɛ adalɛ ngilehilelɛ ne lale ali wienyi wɔ ɛzoanvolɛ ne mɔ ewule nzi
-
“Mɛladonlɛ ɛhye mɔɔ ɛvea la” (ngy. 7)—Wɔ Pɔɔlo mekɛ zo ɛnee “mɛladonlɛnli ne” ɛtɛdale ali
-
“Mɛladonlɛnli ne” (ngy. 8)—Ɛnɛ, Kilisienemaanle ne ɛsɔfoma ne a ka bɔ nu yɛ mɛladonlɛnli ne a
-
‘Awulae Gyisɛse baye mɛladonlɛnli ne avi ɛkɛ ɔlua ye ɛralɛ ne mɔɔ bala ali la azo’ (ngy. 8)—Gyisɛse bamaa yeala ali kɛ ɔdaye a ɔle Belemgbunli wɔ anwuma a, wɔ mekɛ mɔɔ ɔbava Gyihova ndɛnebualɛ yeara Seetan ewiade ɛhye nee “mɛladonlɛnli ne” anwo zo la.
Kɛzi ngyehyɛnu ɛhye mɔ boa wɔ maa ɛfa mɔdenlebɔlɛ ɛyɛ daselɛlilɛ gyima ne ndɛndɛ ɛ?
