Ɔbahola yeayɛ se kɛ yɛbava ɛtane mɔɔ yɛyɛ la yɛahyɛ yɛ nwo wɔ mekɛ mɔɔ Gyihova ɛva ɛhyɛ yɛ dɛbadɛba la. Yɛluale ɛdendɛlɛ nee vidio zo yɛzuzule ɛhye anwo wɔ “Di Nɔhalɛ Maa Gyihova!” 2016 Maanzinli Nyianu ne abo. Dua JW Library app ne azo nea vidio ne bieko na bua kpuya ɛhye mɔ:

• Bɛdule Sonja la ɔlile ɛvolɛ nyɛ?

• Ngɛlɛlera boni a mgbanyima ne mɔ nee Sonja zuzule nwolɛ a, na kɛzi ɔboale ye ɛ?

• Bɛliele Sonja la subane boni a asafo ne anu amra lale ye ali a?

• Nganeɛdelɛ boni a gyegyele Sonja a, na kɛzi ye papa boale ye ɛ?