Hozia 6:1-11
6 “Bɛrɛla bɛmaa yɛzia yɛhɔ Gyihova ɛkɛ,Ɔluakɛ yetete yɛ nu nzokanzoka,+ noko ɔbayɛ yɛ ayile.
Ɔbobɔle yɛ, noko ɔbakyekye yɛ nganlɛ ne mɔ.
2 Kenle nwiɔ anzi ɔbamaa yɛ anwosesebɛ.
Ye kenle nsa ne azo ɔbamaa yɛ zo,Na yɛbadɛnla ngoane nu wɔ ɔ nyunlu.
3 Yɛbanwu Gyihova, yɛbakpondɛ ye too yɛanwu ye.
Ye biala anu ɔbara yɛ nwo ɛke kɛ mɔɔ sɛnzɛne finde nwonlomɔ la;Ɔbara yɛ nwo ɛke kɛ ezule mɔɔ ɛlɛtɔ la,Kɛ nyenyesuo mɔɔ doɔloa azɛlɛ ne la.”
4 “Duzu a menva menyɛ wɔ a, Yifelaem?
Duzu a menva menyɛ wɔ a, Dwuda?
Ɔluakɛ wɔ ɛlɔlɛ kpundii ne le kɛ nwonlomɔ amungu,Ɔle kɛ ɛbɔlɛ mɔɔ minli ndɛndɛ la.
5 Yemɔti a mebalua ngapezoma ne anwo zo meapɛ bɛ meagua aze la;+Mebava me nloa anu edwɛkɛ meahu bɛ.+
Yɛɛ ndɛnebualɛ mɔɔ bara bɛ nwo zo la bada kɛ kɛnlaneɛ.+
6 Ɔluakɛ me nye die ɛlɔlɛ kpundii* nwo, na tɛ afɔlebɔlɛ ɔ,Yɛɛ me nye die Nyamenle anwo nrɛlɛbɛ nwo tɛla ɛyelalɛ afɔlebɔlɛ.+
7 Noko bɛle kɛ menli ala la, bɛanli me ngyekyeleɛ ne azo.+
Ɛkɛ ne a bɛyele me bɛmaanle a.
8 Geleade le ɛtanevolɛma sua,+Mɔɔ bɛ gyakɛ abo zo mogya ngome ɛyi zolɛ.+
9 Ɛsɔfo ne mɔ le kɛ nwule ekpunli mɔɔ ɛhɔ sonla nwo nzia la.
Bɛku menli wɔ Hyikɛm adenle zo,+Ɔluakɛ bɛ nyɛleɛ ne le anyiemgba.
10 Menwu debie ɛzulolɛ bie wɔ Yizilayɛ sua nu.
Ɛkɛ ne a Yifelaem bɔ tuutuu a;+Yizilayɛ ɛgua ɔ nwo evinli.+
11 Bieko, O Dwuda, bɛva ma ɛdelɛ mekɛ bie bɛzie ɛ nyunlu,Mekɛ mɔɔ mebaboɔboa me menli mɔɔ wɔ akɛlɛzonlenlɛ nu anloa meara la.”+
Ɔbodwɛkɛ
^ Anzɛɛ “die anwunvɔnezelɛ.”
