Dwona 3:1-10
3 Akee Gyihova hanle hilele Dwona bieko kɛ:+
2 “Dwazo, kɔ suakpole Nenɛvɛ+ azo na ka nrɛlaleɛ mɔɔ meha mehile wɔ la kile bɛ.”
3 Yemɔti Dwona diele Gyihova na ɔdwazole ɔhɔle Nenɛvɛ.+ Ɛnee Nenɛvɛ le suakpole kpalɛ* mɔɔ bɛfa kenle nsa a bɛtia bɛbɔ nwolɛ mgbɔlɔka bɛyia a.*
4 Akee Dwona hɔle sua ne azo, ɔdiale kenle ko adenle ɔhanle kɛ: “Yeha kenle 40 pɛ na bɛazɛkye Nenɛvɛ.”
5 Menli mɔɔ wɔ Nenɛvɛ la nyianle diedi wɔ Nyamenle anu,+ na bɛ muala, ɔvi mɔɔ le kpole kɔdwu mɔɔ le ekyi la anwo zo, sukoavolɛma nee ehyiavolɛma hyele ɛhɔne na bɛhedale ɛrele.
6 Mɔɔ Nenɛvɛ belemgbunli ne dele nrɛlaleɛ ne la, ɔdwazole ɔvile ye belemgbunli ebia ne azo, ɔyele ye belemgbunli tɛladeɛ ne, ɔhedale ɛrele na ɔdɛnlanle nzonle nu.
7 Eza ɔmaanle bɛbɔle nolo wɔ Nenɛvɛ amuala kɛ,“Mɛla mɔɔ belemgbunli ne nee ye mgbanyima ɛli la ɛne: Ɔnle kɛ sonla anzɛɛ ayɛmoa, nlankɛ nee mboane biala di debie fee. Ɔnle kɛ bɛdi aleɛ anzɛɛ bɛno nzule biala.
8 Bɛmaa bɛ muala, sonla nee nane, ɛheda ɛrele; bɛzu bɛvɛlɛ Nyamenle ɛsesebɛ na bɛhwe bɛ nwo bɛvi bɛ amumuyɛyɛlɛ nee bɛ basabasayɛlɛ ne anwo.
9 Bie a nɔhalɛ Nyamenle ne bazia azuzu* mɔɔ yedwenle nwo kɛ ɔyɛ la anwo na yeahwe ɔ nwo yeavi ye ɛya wuluwulu ne anwo amaa yɛanwu!”
10 Mɔɔ nɔhalɛ Nyamenle ne nwunle mɔɔ bɛyɛle, kɛzi bɛhakyile bɛvile bɛ amumuyɛyɛlɛ ne anwo la,+ ɔziale ɔzuzule* ɛzɛkyelɛ mɔɔ ɔhanle kɛ ɔbava yeara bɛ nwo zo la anwo na yeanva yeamba bɛ nwo zo.+
Ɔbodwɛkɛ
^ Hibulu aneɛ nu, “sua mɔɔ le kpole maa Nyamenle.”
^ Anzɛɛ “bɛtia bɛfi ɔ ti bɛkɔdwu ɔ bo a.”
^ Anzɛɛ “banlu ɔ nwo wɔ.”
^ Anzɛɛ “ɔnlunle ɔ nwo wɔ.”
