Ayezaya 60:1-22
60 “O raalɛ ye, dwazo+ na ta, ɔluakɛ wɔ wienyi ne ɛra.
Gyihova anyunlunyia ne ɛda ɛ nwo zo.+
2 Nea, awozinli baheda azɛlɛ ye azoYɛɛ awozinli kabii baheda maanle maanle ne mɔ azo;Noko Gyihova bada ɛ nwo zo,Na bɛbanwu ye anyunlunyia ne wɔ ɛ nwo zo.
3 Maanle maanle ne mɔ bara wɔ wienyi ne anwo+Na arelemgbunli+ ara wɔ wienyi kpole* ne anwo.+
4 Maa ɛ nye zo fa bɔ ɛ nwo mgbɔlɔka yia!
Bɛ muala bɛboɔboa bɛ nloa; bɛlɛba ɛ nwo ɛkɛ.
Ɛ mra mrenyia ne mɔ vi moamoa ɛlɛba,+Yɛɛ bɛvievia ɛ mra mraalɛ ne mɔ.+
5 Zɔhane mekɛ ne, ɛbanwu ye na ɛ nye alie,+Wɔ ahonle bali fɛlɛko na ɛ nye alie abo zo,Ɔluakɛ nyevile nu anwonyia ne bara wɔ ɛkɛ;Maanle maanle ne mɔ ninyɛne bayɛ wɔ ɛdeɛ.+
6 Afunlumu dɔɔnwo bayi wɔ azɛlɛ ne azo,Medean nee Yifaa afunlumu mralɛ nyinli.+
Bɛdabɛ mɔɔ bɛvi Hyiba la amuala—bɛbara;Bɛbava nvutuke nee ɛyɛlɛvuanlɛ bɛara.
Bɛbabɔ Gyihova ayɛlɛyelɛ ne nolo.+
7 Bɛbaboɔboa Kidaa mboane kɔsɔɔti anloa+ bɛarɛlɛ wɔ.
Nɛbeeyɔto mboane nyinli+ bazonle wɔ.
Bɛbara me afɔlemokyea ne azo na mealie bɛ meado nu,+Na mebayɛ me anyunlunyia sua* ne kɛnlɛma.+
8 Nwane mɔ a le ɛhye mɔ mɔɔ ɛlɛtu kɛ amungu,Kɛ abubule mɔɔ ɛlɛtu ahɔ bɛ tunli* nu la ɛ?
9 Mbɔra bava bɛ nye ado me nwo zo;+Tahyehye meli ne mɔ balimoa*Ava ɛ mra mrenyia ne mɔ avi moamoa ara,+Bɛbava bɛ dwɛtɛ fufule nee nvutuke bɛara,Kɛ bɛfa bɛaye Gyihova wɔ Nyamenle ne duma nee Yizilayɛ Nwuanzanwuanza Ko ne ayɛlɛ,Ɔluakɛ ɔbawula wɔ anyunlunyia.*+
10 Nyɛvolɛ balie wɔ bane ne mɔ,Na bɛ arelemgbunli azonle wɔ,+Ɔluakɛ menvale ɛya membɔle wɔ,Noko wɔ me ɛlolɛ ne* anu mebaze wɔ anwunvɔne.+
11 Bɛbabukebuke wɔ nlenkɛ mgbole bɛagua nwo dahuu;+Bɛnrɛtoto nu alehyenlɛ nee aledwolɛ,Amaa bɛava maanle maanle ne mɔ ninyɛne bɛarɛlɛ wɔ,Na bɛ arelemgbunli a bali bɛ nyunlu a.+
12 Ɔluakɛ maanle nee belemgbunlililɛ biala mɔɔ ɛnrɛzonle wɔ la abo zo baminli,Na bɛazɛkye maanle maanle ne mɔ bɔkɔɔ.+
13 Lɛbanɔn anyunlunyia ne bara wɔ ɛkɛ,+Dwunipa mbaka, aahye mbaka nee sepelɛse mbaka kɔsɔɔti,+Amaa me ɛzonlenlɛsua ne ayɛ ɛleka kɛnlɛma;Mebawula ɛleka mɔɔ me gyakɛ gyi la anyunlunyia.+
14 Menli mɔɔ hilele wɔ nyane la amra mrenyia ne mɔ barabɔ bɛ ti aze wɔ ɛ nyunlu;Menli mɔɔ ɛmbu wɔ la kɔsɔɔti barahoto ɛ gyakɛ anu,Na bɛbavɛlɛ wɔ Gyihova suakpole,Yizilayɛ Nwuanzanwuanza Ko ne Zayɔn.+
15 Bɛkpole wɔ yɛɛ bɛkpɔle wɔ, na ɛnee awie biala ɛnva wɔ adenle zo ɛdeɛ,+Noko mebamaa wɔayɛ debie mɔɔ bɛfa bɛtu bɛ nwo dahuu,Na wɔayɛ debie mɔɔ bamaa bɛali fɛlɛko wɔ awolɛndoazo kɔsɔɔti anu.+
16 Ɛbanlo maanle maanle ne mɔ nyɛfonzule,+Yɛɛ ɛbanlo arelemgbunli nyɛfo;+Na ɛbanwu kɛ medame Gyihova mele wɔ Ngoanedievolɛ,Yɛɛ Gyekɔbo Tumivolɛ Ko ne a le wɔ Kpɔnevolɛ a.+
17 Kɛ mekɛva kɔbele la, mebava nvutuke,Kɛ mekɛva bulalɛ la, mebava dwɛtɛ fufule,Kɛ mekɛva baka la, mebava kɔbele,Kɛ mekɛva awolɛ la, mebava bulalɛ meara;Na mebakpa anzodwolɛ kɛ wɔ neavolɛNa tenleneyɛlɛ ayɛ wɔ gyima zo kpanyinli.+
18 Bɛnrɛde basabasayɛlɛ wɔ wɔ azɛlɛ zoYɛɛ bɛnrɛnwu azua mɔɔ ɛzɛkye ɛdɔ mgbane la wɔ wɔ ɛweɛne zo bieko.+
Ɛbavɛlɛ wɔ bane ne mɔ Ngoanelielɛ+ yɛɛ wɔ nlenkɛ mgbole ne mɔ Ayɛlɛyelɛ.
19 Sɛnzɛne ne ɛnrɛda ɛnrɛmaa wɔ wɔ alehyenlɛ nu bieko,Yɛɛ siane ɛnrɛda ɛnrɛmaa wɔ wɔ aledwolɛ nu,Ɔluakɛ Gyihova bayɛ wienyi amaa wɔ dahuu,+Na wɔ Nyamenle ne bayɛ wɔ anyunlunyia.+
20 Wɔ sɛnzɛne ne ɛnrɛdɔ,Yɛɛ wɔ siane ne ɛnrɛnlu bieko,Ɔluakɛ Gyihova bayɛ wienyi amaa wɔ dahuu,+Na wɔ nyanelilɛ mekɛ ne bara awieleɛ.+
21 Wɔ menli ne amuala bayɛ tenlenema;Bɛbadɛnla azɛlɛ ne azo dahuu.
Bɛbayɛ debie mɔɔ melua mɔɔ ɔbafifi,Me sa anloa gyima+ mɔɔ bawula me anyunlunyia la.+
22 Mɔɔ le nretee la bayɛ apenleYɛɛ mɔɔ le ekyi la bayɛ maanle kpole.
Medame Gyihova, mebayɛ ye ndɛndɛ wɔ ye mekɛ nloa.”
Ɔbodwɛkɛ
^ Anzɛɛ “wɔ aleɛbahye wienyi.”
^ Anzɛɛ “me sua kɛnlɛma.”
^ Ɛnee menli a yɛ tunli ɛhye mɔ maa nloma ne mɔ a.
^ Anzɛɛ “bayɛ kɛ alimoa ne la.”
^ Anzɛɛ “ɔbayɛ wɔ kɛnlɛma.”
^ Anzɛɛ “me nyeleyɛlɛ ne.”
