Ayezaya 54:1-17
54 “Raalɛ mota mɔɔ anwo ralɛ, fa fɛlɛkolilɛ tea nu!+
Wɔmɔ mɔɔ wɔande awolɛ nyane, maa ɛ nye ɛlie na fa fɛlɛkolilɛ tea nu,+Ɔluakɛ raalɛ ne mɔɔ bɛkpo ye la amra mrenyia ne mɔ zonleTɛla mɔɔ ɔgya nrenyia* la amra,”+ Gyihova a se a.
2 “Buke wɔ ɛdanlɛsua ne anu.+
Tɛlɛ wɔ tɛnlabelɛ kpole ne ɛdanlɛsua ndanlɛ ne mɔ anu.
Mmagyakyi bie nu, maa wɔ ɛdanlɛsua nyɛma ne mɔ ɛyɛ ndendenle,Na maa wɔ ɛdanlɛsua adakola ne mɔ anu ɛyɛ se.+
3 Ɔluakɛ ɛbadɛlɛ nu wɔahɔ fema zo nee bɛne zo.
Ɛ bo zo amra bali maanle maanle nwo zo,Na bɛbadɛnla azuamgbole mɔɔ ɛdɔ mgbane la azo.+
4 Mmasulo,+ ɔluakɛ ɛ nyunlu ɛnrɛgua aze;+Mmase nyiane, ɔluakɛ ɛ rɛle ɛnrɛbɔ.
Ɔluakɛ ɛ rɛle bavi wɔ mbɛlɛra nu anyiemgba ne,Yɛɛ ɛnrɛhakye mekɛ mɔɔ ɛyɛle kunlavolɛ na ɛ nyunlu guale aze la bieko.”
5 “Ɔluakɛ wɔ Bɔvolɛ Kpole ne+ le ɛ hu,*+Ye duma a le ɛlɔne Gyihova,Yɛɛ Yizilayɛ Nwuanzanwuanza Ko ne le wɔ Kpɔnevolɛ.+
Bɛbavɛlɛ ye azɛlɛ ye amuala Nyamenle.+
6 Ɔluakɛ Gyihova ɛvɛlɛ wɔ kɛ asɛɛ ɛle yelɛ mɔɔ bɛkpo ye na ɔlɛdi nyane,+Kɛ yelɛ mɔɔ awie gyale ye wɔ ye mgbavolɛ nu na yekpo ye la,” wɔ Nyamenle ne a se a.
7 “Memkpole wɔ wɔ mekɛ ekyi bie anu,Noko mebava anwunvɔnezelɛ kpole meazia meava wɔ meara.+
8 Menvale ɛya kpole na menvale me nye menveale wɔ mekɛ ekyi,+Noko mebava ɛlɔlɛ kpundii mɔɔ wɔ ɛkɛ dahuu la meaze wɔ anwunvɔne,”+ Gyihova wɔ Kpɔnevolɛ ne a se a.+
9 “Ɛhye yɛ me kɛ Nowa mekɛ zo la.+
Kɛ mɔɔ menganle ndane kɛ Nowa mekɛ zo azule ne ɛnrɛyi ɛnrɛva azɛlɛ ye azo bieko la,+Zɔhane a meha ndane kɛ, menrɛva ɛ nwo ɛya kpole anzɛɛ menrɛdea wɔ bieko a.+
10 Ɔluakɛ awoka ne mɔ baduduYɛɛ awoka ngyikyi bakpusu,Noko me ɛlɔlɛ kpundii ne ɛnrɛvi ɛ nwo zo,+Yɛɛ me anzodwolɛ ngyekyeleɛ ne ɛnrɛkpusu,”+ Gyihova mɔɔ se wɔ anwunvɔne la a se a.+
11 “O raalɛ mɔɔ ɛlɛdi nyane,+ wɔmɔ mɔɔ ahumu ɛlɛtu ava wɔ noko awie ɛnkyekye ɛ rɛle,+Melɛfa awolɛ nee mɔta titili bie meado wɔ bane neNa meava safaya meayɛ wɔ adiabo.+
12 Mebava wulubi meado wɔ bane ne mɔ ati zo,Mebava awolɛ memeamemea* meayɛ wɔ nlenkɛ mgbole ne mɔ,Na meava awolɛ mɔɔ sonle bolɛ la meayɛ wɔ ɛweɛne ne mɔ amuala.
13 Gyihova bahilehile ɛ mra kɔsɔɔti,+Na ɛ mra banyia anzodwolɛ kpole kpalɛ.+
14 Ɛbagyinla kpundii wɔ tenleneyɛlɛ nu.+
Bɛnrɛgyegye wɔ bieko,+Ɛnrɛzulo ɛhwee yɛɛ debie biala ɛnrɛdu wɔ ahonle,Ɔluakɛ ɔnrɛbikye wɔ.+
15 Saa awie ba ɛ nwo zo a,Ɛnee ɔnvi me.
Awie biala mɔɔ bara ɛ nwo zo la, ɛdawɔ ti ɔbadɔ aze.”+
16 “Nea! medame a membɔle dwinvolɛ,Mɔɔ wuda emunlike,Na ɔyɛ akodeɛ kɛ ɔ sa anloa gyima la a.
Eza medame a membɔle sɛkyevolɛ ne mɔɔ sɛkye ninyɛne la.+
17 Akodeɛ biala mɔɔ bɛbayɛ bɛatia wɔ la ɛnrɛyɛ kpalɛ,+Yɛɛ ɛtafinlimalɛ biala mɔɔ babɔ wɔ somolɛ wɔ edwɛkɛlilɛ nu la, ɛbabua ye fɔlɛ.
Ɛhye le Gyihova azonvolɛ agyapadeɛ,Na bɛ tenleneyɛlɛ ne vi me ɛkɛ,” kɛ Gyihova se la ɛne.+
