Ayezaya 51:1-23
51 “Bɛmɛ mɔɔ bɛli tenleneyɛlɛ nzi,Bɛmɛ mɔɔ bɛlɛkpondɛ Gyihova la, bɛdie me.
Bɛnlea bodane ne mɔɔ bɛkpukele bɛ bɛvile nwolɛNee awolɛdulɛ kuma ne mɔɔ bɛdule bɛ bɛvile nu la.
2 Bɛnlea bɛ papa EbilehamNee Sɛla+ mɔɔ* wole bɛ la.
Ɔluakɛ menvɛlɛle ye la ɛnee ɔle sonla kokye,+Na menyilale ye memaanle ɔyɛle dɔɔnwo.+
3 Ɔluakɛ Gyihova bakyekye Zayɔn arɛle.+
Ɔbamaa ye ɛleka mɔɔ ɛdɔ mgbane la anyia arɛlekyekyelɛ,+Ɔbamaa ye fienemgbole ne ayɛ kɛ Yidɛn+Na ye ɛsɛlɛ ne ayɛ kɛ Gyihova tola ne.+
Anyelielɛ nee fɛlɛkolilɛ,Moyɛlɛ nee anyelielɛ edwɛne bayi zolɛ.+
4 O me menli, bɛdie me,Me maanle, bɛyɛ ɛnzolɛ bɛdie me.+
Ɔluakɛ mebali mɛla,+Na meava me pɛlepɛlelilɛ ne meazie ɛkɛ ne kɛ kɛnlaneɛ meamaa menli.+
5 Me tenleneyɛlɛ ɛbikye.+
Me ngoanelielɛ badwu bɛ nwo zo,+Na me sa babua menli ne ndɛne.+
Mbɔra bava bɛ nye ado me nwo zo,+Na bɛahendɛ me tumi ne.*
6 Bɛmaa bɛ nye zo bɛnlea anwuma,Na bɛnlea azɛlɛ ne.
Ɔluakɛ anwuma baminliminli kɛ esike;Azɛlɛ ne batete kɛ tɛladeɛ,Na menli mɔɔ wɔ zolɛ la bawu kɛ ngokowule.
Noko me ngoanelielɛ ne badɛnla ɛkɛ dahuu,+Yɛɛ me tenleneyɛlɛ ne ɛnrɛwie ɛlɛ.*+
7 Bɛmɛ mɔɔ bɛze tenleneyɛlɛ,Menli mɔɔ me mɛla* ne wɔ bɛ ahonle nu la, bɛdie me.+
Bɛmmasulo sonla ɛnwunlonwunlanlɛ ne,Yɛɛ bɛmmamaa bɛ aholoba ɛbɔlɛ ne tu bɛ ahonle.
8 Ɔluakɛ ngɛkɛba bali bɛ kɛ mɔɔ bɛdi tɛladeɛ la;Ngɛkɛba* mɔɔ di ɛdanlɛ la bali bɛ kɛ boane enrinli.+
Noko me tenleneyɛlɛ ne badɛnla ɛkɛ dahuu,Na me ngoanelielɛ ne adwu awolɛndoazo kɔsɔɔti anwo zo.”+
9 Dwazo! Dwazo! O Gyihova asa,+Fa anwosesebɛ keda!
Dwazo kɛ dɛba ne la, kɛ mɔɔ ɛyɛle ye wɔ awolɛndoazo mɔɔ ɛpɛ nu la anu la.
Asoo tɛ ɛdawɔ a ɛbubule Releehabe*+ anu azinli azinli,Na ɛwɔle nane kpole ne mɔɔ wɔ nyevile ne anu la atwɛ ɔ?+
10 Asoo tɛ ɛdawɔ a ɛmaanle nyevile ne, azule kpole ne sesanle ɔ?+
Asoo tɛ ɛdawɔ a ɛmaanle nyevile kuma ne hakyile adenle maanle menli mɔɔ ɛliele bɛ la luale nu ɔ?+
11 Bɛdabɛ mɔɔ Gyihova ɛlie bɛ la bazia ara.+
Bɛbava anyelielɛ bɛadeɛdea nu bɛazia bɛara Zayɔn.+Anyelielɛ mɔɔ ɛnlɛ awieleɛ la bayɛ bɛ ti zo abotile.+
Bɛ nye balie na bɛali fɛlɛko,Na nyane nee alɔbɔlɛ bavi ɛkɛ.+
12 “Medame a mele Awie mɔɔ kyekye bɛ rɛle a.+
Duzu ati a ɔwɔ kɛ bɛsulo sonla mɔɔ ɔbawu+Nee dasanli mɔɔ ɔbanwoso kɛ ndile amolɛ la ɛ?
13 Duzu ati a ɛ rɛle ɛvi Gyihova wɔ Yɛvolɛ ne+Mɔɔ dɛlɛle anwuma anu+ na ɔdole azɛlɛ ne adiabo la ɛ?
Ɛnee dahuu ɛsulo ahenle mɔɔ gyegye wɔ* la ɛya ne,Kɛ asɛɛ ɔbahola yeazɛkye wɔ la.
Kɛkala, ahenle mɔɔ gyegye wɔ la ɛya ne hale ni?
14 Ɔnrɛhyɛ na bɛagyakyi ahenle mɔɔ bɛgua ye kyeenyi la;+Ɔnrɛwu ɔnrɛhɔ kuma ne anu,Yɛɛ ye aleɛ ɛnrɛbɔ ye.
15 Medame a mele Gyihova wɔ Nyamenle ne,Mɔɔ ka nyevile ne anu ɔmaa ye azɛlɛkye bu mgbole a+—Me duma a le ɛlɔne Gyihova.+
16 Mebava me edwɛkɛ meawula ɛ nloa anu,Na meava me sa alubo ne meaheda ɛ nwo zo,+Amaa meava anwuma meazie ɛkɛ na meado azɛlɛ ye adiabo+Na meaha meahile Zayɔnoma kɛ, ‘Bɛle me menli.’+
17 Dwazo! Dwazo! O Gyɛlusalɛm, maa ɛ nwo zo,+Wɔmɔ mɔɔ wɔnlo Gyihova ɛya kanrɛlɛ ne anu wɔ ɔ sa nu la.
Wɔnlo tɔmɛlɛ ne anu;Wɔnlo kanrɛlɛ ne mɔɔ maa bɛtotɔ la anu wɔdu ɔ bo.+
18 Ɔ mra mrenyia dɔɔnwo ne mɔɔ ɔwole bɛ la anu ko bɔbɔ ɛnle ɛkɛ mɔɔ ɔbahile ye adenle a,Yɛɛ ɔ mra mrenyia dɔɔnwo ne mɔɔ ɔtetele bɛ la anu ko bɔbɔ ɛnle ɛkɛ mɔɔ ɛzɔ ɔ sa a.
19 Ninyɛne nwiɔ ɛhye ɛdo wɔ.
Nwane a bakyekye ɛ rɛle a?
Wɔzɛkye na wɔdɔ mgbane, ɛhɔne nee dadeɛ!+
Nwane a bakyekye ɛ rɛle a?+
20 Ɛ mra mrenyia ne mɔ anye zo ɛbulu bɛ,+
Bɛdeda guabile nwɔnda ne mɔ azoKɛ nane mɔɔ ɛdo ɛhane* la.
Gyihova ɛya kpole ne nee ye ndeanlɛ ɛra bɛ nwo zo bɔkɔɔ.”
21 Ɔti raalɛ mɔɔ ɛlɛdi nyane, wɔmɔ mɔɔ ɛtɛnonle nwanye noko wɔbo la,Mesɛlɛ wɔ tie ɛhye.
22 Edwɛkɛ mɔɔ wɔ Awulae Gyihova, wɔ Nyamenle ne mɔɔ ko maa ye menli ne la ɛha la ɛne:
“Nea! Mebalie kanrɛlɛ ne mɔɔ maa bɛtotɔ la meavi ɛ sa nu,+Tɔmɛlɛ ne, me ɛya kanrɛlɛ ne;Ɛnrɛnlo nuhua bieko ɛlɛ.+
23 Mebava meawula menli mɔɔ hilele wɔ nyane la asa anu,+Menli mɔɔ zele wɔ* kɛ, ‘Butu maa yɛtietia ɛ nwo zo!’
Na yemɔti ɛyɛle ɛ nzi kɛ azɛlɛ nwo,Kɛ awɔdenle la ɛmaanle bɛluale zo la.”
Ɔbodwɛkɛ
^ Anzɛɛ “mɔɔ dele awolɛ nyane.”
^ Hibulu aneɛ nu, “me sa.”
^ Anzɛɛ “ɛnrɛzɛkye.”
^ Anzɛɛ “adehilelɛ.”
^ Anzɛɛ ɔkola ɔkile, “Sonlɛ.”
^ Nea Edwɛkɛbohilelɛ.
^ Anzɛɛ “ahenle mɔɔ ɛlɛtinlitinli wɔ.”
^ Hibulu aneɛ nu, “ɛdɔ avonle nu.”
^ Anzɛɛ “wɔ ɛkɛla.”
