Nolobɔvo 1:1-18
1 Nolobɔvo ne, Devidi ara ne, belemgbunli ne mɔɔ wɔ Gyɛlusalɛm la edwɛkɛ ne ɛne.+
2 Nolobɔvo ne se, “Ɔle mgbane bɔkɔɔ!Ɔle mgbane bɔkɔɔ! Debie biala le mgbane!”+
3 Duzu a sonla nyia wɔ ye gyima ɛsesebɛ kɔsɔɔtiMɔɔ ɔfɛ ɔyɛ ye wɔ ewiade anu* la anwo a?+
4 Awolɛndoazo kɔ, yɛɛ awolɛndoazo ba,Noko azɛlɛ ne wɔ* ɛkɛ ne dahuu.+
5 Sɛnzɛne ne tudu,* yɛɛ sɛnzɛne ne kɔtɔ;Akee ɔka ɔ nwo waa* ɔkɔ ɔ bo zo ne na ɔtudu bieko.+
6 Anwoma ne bɔ kɔ nyiakɛ na ɔpɛne ɔ nwo ɔkɔ sɔlɔ;Ɔpɛnepɛne ɔ nwo dahuu; anwoma ne pɛnepɛne ɔ nwo sia kɔ ɔ bo zo ne.
7 Azudenle* kɔsɔɔti se kɔ nyevile nu, noko nyevile ne ɛnyi.+
Azudenle ne mɔ sia kɔ ɛleka mɔɔ bɛbɔ bɛ bo la na bɛse bieko.+
8 Ninyɛne kɔsɔɔti le ɛvɛlɛ ngome;Awie biala ɛnrɛhola nwolɛ edwɛkɛ ka bɔbɔ.
Ɛnyelɛ nea debie a ɔnvɛ;Yɛɛ ɛnzolɛ tie edwɛkɛ a ɔnyi.
9 Mɔɔ ɛra la a bara a,Yɛɛ mɔɔ bɛyɛ ye ɛlɛ la a bɛbayɛ ye bieko a;Debie biala ɛnle fofolɛ wɔ ewiade ye anu.+
10 Asoo debie wɔ ɛkɛ mɔɔ awie baha kɛ, “Nea ɛhye, ɔle fofolɛ” ɔ?
Ɛnee ɔwɔ ɛkɛ ne dɛbadɛba;Ɛnee ɔwɔ ɛkɛ ne kolaa na yɛ mekɛ ye ara.
11 Awie ɛngakye dɛba ne amra;Yɛɛ awie ɛnrɛhakye menli mɔɔ bara nzinlii la;Yɛɛ menli mɔɔ bɛdabɛ noko bɛbara nzinlii la ɛnrɛhakye bɛ.+
12 Medame nolobɔvo ne, menlile Yizilayɛ belemgbunli wɔ Gyɛlusalɛm.+
13 Membɔle mɔdenle kɛ mefa nrɛlɛbɛ meazukoa na meavedevede+ debie biala mɔɔ bɛyɛ ye wɔ ewiade la anu+—ɛvɛlɛ gyima mɔɔ Nyamenle ɛva ɛmaa alesama mɔɔ bɛgyi nwo bɛlɛyɛ la.
14 Menwunle gyima mɔɔ bɛyɛ wɔ ewiade la kɔsɔɔti,Na nea! ɛnee debie biala le mgbane, ɔle kɛ ɛdoa anwoma la.+
15 Debie mɔɔ ɛhyea la, bɛngola bɛndenrɛ ye,Yɛɛ debie mɔɔ ɛnle ɛkɛ ne la, bɛngola bɛndia.
16 Akee menganle ye wɔ me ahonle nu kɛ: “Nea! Menwu nrɛlɛbɛ kpole medɛla awie biala mɔɔ li me nyunlu wɔ Gyɛlusalɛm la,+ yɛɛ me nye liele nrɛlɛbɛ nee ndelebɛbo nwo.”+
17 Membɔle mɔdenle kɛ mebanwu kɛzi nrɛlɛbɛ, ɛzɛlɛde nee ngoaseade de la,+ na ɛhye noko le kɛ ɛdoa anwoma la.
18 Ɔluakɛ nrɛlɛbɛ dɔɔnwo fa abodelɛ dɔɔnwo ba,Yemɔti awie mɔɔ maa ye adwenle nu buke kpole la maa ye nyanelilɛ yɛ kpole.+
Ɔbodwɛkɛ
^ Hibulu aneɛ nu, “wɔ sɛnzɛne ne abo.” Edwɛkɛ ɛhye finde fane 29 wɔ Nolobɔvo buluku ne anu.
^ Hibulu aneɛ nu, “gyi.”
^ Anzɛɛ “finde.”
^ Anzɛɛ “ɔsia ndɛndɛ.”
^ Anzɛɛ “Fɔsɛlɛ azudenle; Ɛlobɔ azudenle.”
