Edwɛne 99:1-9
99 Gyihova ɛrayɛ Belemgbunli.+ Bɛmaa menli ne anwo ɛwoso bɛ.
Ɔde belemgbunli ebia zo wɔ kyɛlɔbe ne mɔ+ anwo zo.* Bɛmaa azɛlɛ ne ɛkpusu.
2 Gyihova le kpole wɔ Zayɔn,Yɛɛ ɔwɔ anwuma wɔ* menli kɔsɔɔti anwo zo.+
3 Maa bɛye wɔ duma kpole ne ayɛlɛ,+Ɔluakɛ ɔyɛ ɛzulolɛ yɛɛ ɔle nwuanzanwuanza.
4 Ɔle belemgbunli bedevinli mɔɔ ɔkulo pɛlepɛlelilɛ.+
Wɔva mɔɔ tenrɛ la wɔzie ɛkɛ ne kpundii.
Wɔmaa pɛlepɛlelilɛ nee tenleneyɛlɛ+ ɛra Gyekɔbo anu.
5 Bɛkpogya Gyihova yɛ Nyamenle ne zo+ na bɛbɔ bɛ ti aze wɔ ɔ gyakɛ abo ebia ne anyunlu;+Ɔle nwuanzanwuanza.+
6 Ɛnee Mosisi nee Aalɔn boka ye ɛsɔfoma ne anwo,+Yɛɛ Samoɛle noko boka bɛdabɛ mɔɔ bɛbɔ ye duma la anwo.+
Bɛvɛlɛle Gyihova,Na ɔliele bɛ zo.+
7 Ɔdendɛle amungu pila ne anu ɔhilele bɛ.+
Bɛlile ye ngakyelɛ ne mɔ nee mɛla mɔɔ ɔvale ɔmaanle bɛ la azo.+
8 O Gyihova yɛ Nyamenle, ɛbuale bɛ.+
Ɛle Nyamenle mɔɔ ɛvale bɛ ɛtane ɛhyɛle bɛ a,+Noko ɛhwenle bɛ nzo* wɔ bɛ nyɛleɛ ɛtane ne mɔ anwo.+
9 Bɛkpogya Gyihova yɛ Nyamenle ne zo+Na bɛbɔ bɛ ti aze* wɔ ye boka nwuanzanwuanza ne anyunlu,+Ɔluakɛ Gyihova yɛ Nyamenle ne le nwuanzanwuanza.+
Ɔbodwɛkɛ
^ Anzɛɛ ɔkola ɔkile, “avinli.”
^ Anzɛɛ “ɔnea.”
^ Hibulu aneɛ nu, “ɛlile bɛ nzenralɛ.”
^ Anzɛɛ “bɛzonle ye.”
