Edwɛne 91:1-16
91 Awie biala mɔɔ de Anwuma Anwumanli ne ɛvealeka* ne la+Bavea Tumivolɛ Bedevinli ne alubo ne abo.+
2 Mebaha meahile Gyihova kɛ: “Wɔmɔ a ɛle me ɛvealeka nee me aranemgbole,+Me Nyamenle mɔɔ mefa me nwo meto ɛ nwo zo a.”+
3 Ɔluakɛ ɔbalie wɔ yeavi nlomakyevolɛ ne ɛhane nu,Ɔbalie wɔ yeavi ewulenzane mɔɔ sɛkye ninyɛne la asa anu.
4 Ɔbava ɔ ndɛba yeaheda ɛ nwo zo,Na wɔanyia ɛvealeka wɔ ɔ ndɛba abo.+
Ye nɔhalɛlilɛ ne+ bayɛ enyinlike kpole+ nee banebɔlɛ amaa wɔ.
5 Ɛnrɛzulo nɔɔzo anu ɛzulolɛ ne,+Anzɛɛ ɛda baka mɔɔ bɛto ye alehyenlɛ nu la,+
6 Ɛnrɛzulo ewulenzane mɔɔ duolua awozinli nu,Anzɛɛ ɛzɛkyelɛ mɔɔ ba ewia henlema la.
7 Apenle badu agua wɔ foa koYɛɛ apenle bulu badu agua ɛ sa fema zo,Noko wɔmɔ ɔnrɛbikye wɔ.+
8 Ɛ nye ala a ɛbava wɔanlea aNa wɔanwu amumuyɛma anzohwenlɛ* ne.
9 Ɔluakɛ wɔha kɛ: “Gyihova le me ɛvealeka,”
Wɔva Anwuma Anwumanli ne wɔyɛ wɔ tɛnlabelɛ;*+
10 Esiane biala ɛnrɛdo wɔ,+Yɛɛ ngyegyelɛ biala ɛnrɛbikye wɔ ɛdanlɛsua ne.
11 Ɛdawɔ ti, ɔbaha yeahile ye anwumabɔvolɛma+ ne kɛ,Bɛbɔ ɛ nwo bane wɔ wɔ ndenle kɔsɔɔti anu.+
12 Bɛbalɛ wɔ bɛ sa zo,+Amaa ɛ gyakɛ amkpula bolɛ.+
13 Ɛbatietia awenade ngyikyi nee ɛwɔbile nwo zo;Ɛbatietia awenade mɔɔ anwo yɛ se nee ɛwɔlɛ kpole nwo zo.+
14 Nyamenle ɛha kɛ: “Ɔluakɛ ɔkulo me* la ati, mebalie ye.+
Mebabɔ ɔ nwo bane ɔluakɛ ɔze me duma.+
15 Ɔbavɛlɛ me na mebalie ye zo.+
Mebagyinla ɔ nzi wɔ ye anwongyelelɛ nu.+
Mebalie ye na meawula ye anyunlunyia.
16 Mebamaa ye ngoane tendenle,+Na meamaa yeanwu me ngoanelielɛ gyima ne mɔ.”*+
Ɔbodwɛkɛ
^ Anzɛɛ “ɛleka mɔɔ vea; ɛleka mɔɔ bɛnnwu ye.”
^ Anzɛɛ “ndeanlɛ.”
^ Anzɛɛ ɔkola ɔkile, “aranemgbole; ɛvealeka.”
^ Hibulu aneɛ nu, “yeva ɔ nwo yebeta me la ati.”
^ Anzɛɛ “yeanwu me ngoanelielɛ ne.”
